ព្រឹកថ្ងៃពុធ ទី១១ ខែធ្នូ ឆ្នាំ២០១៩ រដ្ឋបាលខេត្តក្រចេះ បានរៀបចំទិការពិគ្រោះយោបល់ស្តីពីគម្រោងកម្មវិធីវិនិយោគខេត្ត(២០២០-២០២២)និងផ្សព្វផ្សាយសិក្ខាសាលាសមាហរណកម្មគម្រោងវិនិយោគបីឆ្នាំរំកិល ក្រុង ស្រុក ឃុំ សង្កាត់ នៅថ្នាក់ក្រុង ស្រុក ដើម្បីបង្ហាញពីគម្រោងអាទិភាពដែលឃុំ សង្កាត់ ក្រុង ស្រុក ស្នើឡើងតាមវិស័យនីមួយៗ និងផ្សព្វផ្សាយកម្មវិធីវិនិយោគ(២០២០-២០២២) ក្រោមអធិបតីភាព លោក ទុយ ប៊ុនសេរីរត័្នមុន្នី អភិបាលរងខេត្ត និងការចូលរួមពីមន្ទីរអង្គភាពដែលពាក់ព័ន្ធ និងអង្គការដែលជាដៃគូអភិវឌ្ឍន៍។
មានប្រសាសន៍កោតសសើរ និងវាយតម្លៃខ្ពស់ ក្នុងឱកាសនោះដែរលោក ទុយ ប៊ុនសេរីរ័ត្នមុន្នី អភិបាលរងខេត្ត ចំពោះការខិតខំប្រឹងប្រែងរបស់អង្គភាពមន្ទីរជំនាញ និងដៃគូរអភិវឌ្ឍន៍ក្នុងខេត្តដែលបានផ្តល់កាគាំទ្រក្នុងកិច្ចកសាង និងអភិវឌ្ឍន៍ខេត្តក្នុងរយះពេលកន្លងមកឲ្យមានការីកចំរើនជាបន្តបន្ទាប់គ្រប់វិស័យ សំដៅកាគាំទ្រដល់ដំណើរកាកែទម្រង់លើប្រព័ន្ធវិមជ្ឈការនិងវិសហមជ្ឈការរបស់រាជរដ្ឋាភិបាល និងរួមចំណែកអនុវត្តគោលនយោបាយកាត់បន្ថយភាពក្រីក្ររបស់ប្រជាពលរដ្ឋ។ គោលបំណងនៃការរៀបចំវេទិកាពិគ្រោះយោបល់កម្មវិធីវិនិយោគបីឆ្នាំរំកិលខេត្ត គឺដើម្បីបង្ហាញតម្រូវការអភិវឌ្ឍមូលដ្ឋានទូទាំងខេត្ត និងសម្របសម្រួល បន្ស៊ីនូវតម្រូវការអភិវឌ្ឍន៍ទាំងនេះជាមួយគម្រោង និងធនធានដៃគូអភិវឌ្ឍ អង្គការសង្គមស៊ីវិលវិស័យឯកជន និងអ្នកពាក់ព័ន្ធនានាដើម្បីឈានដល់ការឆ្លើយតបតម្រូវការរបស់ប្រជាពលរដ្ឋ ក្នុងខេត្តប្រកបដោយប្រសិទ្ធភាព។
លោកអភិបាលរងខេត្ត ក៏បានជំរុញអោយគ្រប់មន្ទីរវិស័យទាំងអស់យកចិត្តទុកដាក់បន្ថែមទៀតក្នុងការៀបចំផែនការសកម្មភាពអភិវឌ្ឍវិស័យស្នូលរបស់ខ្លួនអោយបានរឹងមាំ មានទិសដៅច្បាស់លាស់ សំដៅរួមចំណែកអភិវឌ្ឍខឿនសេដ្ឋកិច្ចខេត្តអោយមានសន្ទុះរីកចំរើនរឹងមាំស្របតាមកម្មវិធីនយោបាយរបស់រាជរដ្ឋាភិបាល។
បញ្ជាក់ដែរថា ៖ សម្រាប់ខេត្តក្រចេះគម្រោងដែលជាអាទិភាពទូទាំងខេត្ត ៖ គម្រោងទី១ មាន ១០២ ទី ៩៨ ទី៣២ និងទី៤ មាន ៥៦ គម្រោង ដោយផ្តោតទៅលើផ្នែកសេដ្ឋកិច្ច សង្គមកិច្ច ធនធានធម្មជាតិ បរិស្ថាន និងការបន្សាំនឹងការប្រែប្រួលអាកាសធាតុ និងផ្នែករដ្ឋបាលសន្តិសុខសណ្តាបធា្នប់៕
ប្រភព៖ រដ្ឋបាលខេត្តក្រចេះ
