នាព្រឹកថ្ងៃសៅរ៍ ទី៧ ខែធ្នូ ឆ្នាំ២០១៩នេះ ឯកឧត្ដម ម៉ុម សារឿន ប្រធានគណៈកម្មាធិការសាខាកាកបាទក្រហម និងលោក ជំទាវ គង់ សំអាត អនុប្រធានគណៈកម្មាធិការសាខា សមាជិក សមាជិកា គណៈកម្មាធិការក្រុមប្រតិបត្តិសាខា រួមជាមួយអនុសាខាស្រុក បានអញ្ជើញចុះសំណេះសំណាល សួរសុខទុក្ខ និងនាំយកអាវរងារជូន ចាស់ជរា និងអាវយឺតជូនដល់ប្រជាពលរដ្ឋចំនួន ៤០០នាក់ នៅភូមិស្ដៅ, ស្តៅ២ ឃុំស្តៅ ស្រុកសេសាន ខេត្តស្ទឹងត្រែង។ 

      ក្នុងឱកាសនៃពិធីជួបសំណេះសំណាលជាមួយប្រជាពលរដ្ឋ ឯកឧត្តម ប្រធានគណៈកម្មាធិការសាខា បានពាំនាំនូវប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានផ្ដាំផ្ញើសួរសុខទុក្ខ ក្តីនឹករលឹក ការស្រឡាញ់ យ៉ាងជ្រាលជ្រៅ និងគិតគូរជានិច្ច ចំពោះសុខទុក្ខរបស់ប្រជាពលរដ្ឋទាំងអស់ ជាពិសេសចាស់ជរា។

      អំណោយដែលបានចែកជូននាពេលនេះរួមមាន ៖ ចាស់ជរាចំនួន ៧០នាក់ទទួលអាវរងារចំនួន១ និងប្រជាពលរដ្ឋចូលរួម ៣៣០នាក់ ក៏ទទួលបានអាវយឺតពីសាខាផងដែរ៕

ប្រភព៖ រដ្ឋបាលខេត្តស្ទឹងត្រែង