ពិធីចែកអំណោយសប្បុរសធម៌ដល់ប្រជាពលរដ្ឋចំនួន ២០០គ្រួសារ ក្នុងសង្កាត់សាមគ្គី ក្រុងស្ទឹងត្រែង
នារសៀលថ្ងៃសុក្រ ទី៦ ខែធ្នូ ឆ្នាំ២០១៩ ឯកឧត្ដម ម៉ុម សារឿន អភិបាលនៃគណៈអភិបាលខេត្តស្ទឹងត្រែង បានអញ្ជើញជាអធិបតីក្នុងពិធីចែកអំណោយសប្បុរសធម៌របស់ក្រុមហ៊ុន FORD ប្រចាំឆ្នាំ២០១៩ តាមរយៈរដ្ឋបាលខេត្តជូនដល់ប្រជាពលរដ្ឋចំនួន ២០០គ្រួសារ ក្នុងសង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង អំណោយរួមមាន៖ អង្ក២០គីឡូក្រាម មី១កេះ មុង១ ភួយ១ ទឹកត្រី៦ដប។
មានការអញ្ជើញចូលរួមពី អាជ្ញាធរក្រុង មន្ទីរអង្គភាពពាក់ព័ន្ធ អាជ្ញាធរភូមិ ឃុំ ព្រមទាំងតំណាងចែកចាយរថយន្ត Ford និងអតិថិជន យ៉ាងច្រើនកុះករផងដែរ៕
ប្រភព៖ រដ្ឋបាលខេត្តស្ទឹងត្រែង
