នារសៀលថ្ងៃសុក្រ ទី០៦ ខែធ្នូ ឆ្នាំ២០១៩នេះ លោក ផៃធូន ផ្លាមកេសន អភិបាលស្តីទីខេត្តកោះកុង និងជាអនុប្រធានគណៈកម្មាធិការលទ្ធកម្ម បានអញ្ជើញដឹកនាំកិច្ចប្រជុំបើកឯកសារដេញថ្លៃ ការងារជួសជុលសួនក្រាលការ៉ូឡា និងលាបថ្នាំបដៀប្រវែង ២៥០ ម៉ែត្រ ទំហំ ៦,៧៧៩ ម៉ែត្រការ៉េ ស្ថិតនៅភូមិ០២ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង សម្រាប់ឆ្នាំ២០១៩។

      លោកអភិបាលខេត្តស្តីទី បានបញ្ជាក់ថា គម្រោងការងារជួសជុលសួនក្រាលការ៉ូឡា និងលាបថ្នាំបដៀ ដើម្បីកែលម្អសោភណ្ឌភាពក្រុង ក្នុងគោលបំណងទាក់ទាញភ្ញៀវទេសចរណ៍ជាតិ និងអន្តរជាតិ មកទស្សនាកំសាន្ត ក្នុងខេត្តកោះកុងរបស់យើង។ ជាមួយគ្នានេះដែរសូមថ្លែងអំណរគុណ ដល់អង្គភាពប្រឆាំងអំពើពុករលួយ ដែលបានចូលរួម ក្នុងពិធីបើកឯកសារដេញថ្លៃ របស់រដ្ឋបាលខេត្តកោះកុង ជាប្រចាំនាពេលកន្លងមក ជាមួយគ្នានេះដែរ សូមអោយអ្នកដែលទទួលកិច្ចសន្យា សូមអនុវត្តអោយបានសមស្របតាមលក្ខណៈបច្ចេកទេស និងបទដ្ឋានជាធរមាន ព្រមទាំងស្របតាមគោលការណ៍ណែនាំនានា៕

ប្រភព៖ រដ្ឋបាលខេត្តកោះកុង