មានផ្លូវមានក្តីសង្ឃឹម ផ្លូវគឺជាសរសៃឈាម នៃសេដ្ឋកិច្ច កាលពីព្រឹកថ្ងៃព្រហស្បតិ៍ ៣រោច ខែបុស្ស ឆ្នាំរកា ព.ស ២៥៦១ ត្រូវនឹងថ្ងៃទី០៤ ខែមករា ឆ្នាំ២០១៨ នៅការដ្ឋានសាងសង់ផ្លូវនៅចំណុចកែងនរា ឃុំស្ពានត្នោត ស្រុកជីក្រែង លោក ពៅ ប៊ុនធឿន អភិបាល នៃគណៈអភិបាលស្រុកជីក្រែង អញ្ជើញជាអធិបតីបើកការដ្ឋានគម្រោងជួសជុលផ្លូវដីសក្រាលគ្រួសធម្មជាតិ ដែលមានប្រវែង ១ ៧៦០ម៉ែត្រ។ ផ្លូវមួយខ្សែនេះ ស្ថិតក្នុងភូមិថ្នល់លោក ឃុំស្ពានត្នោត ស្រុកជីក្រែង ហើយផ្លូវនេះនៅក្រោមក្របខណ្ឌគម្រោងកាត់បន្ថយហានិភ័យគ្រោះមហន្ថរាយនៅមូលដ្ឋានសហគមន៍ គ្រោងឃុំស្ពានត្នោត ដែលមានអ្នកចូលរួម ៨៦នាក់ ស្រី១៦នាក់។ ផ្លូវនេះដែរ គឺបានជួយសម្រួលដល់ការធ្វើដំណើរ ក៏ដូចជាការដឹកជញ្ជូនកសិផល និងទំនិញផ្សេងៗ តាមកតម្រូវការ។ ជាមួយគ្នានេះដែរ អាជ្ញាធរស្រុកក៏សូមអំពាវនាវដល់ក្រុមហ៊ុនដែលបានចូលដឹកទំនិញលើផ្លូវនេះកុំអោយលើសទម្ងន់ ជៀសវាងមានការខូចខាត នាំពិបាកដល់ការធ្វើដំណើររបស់បងប្អូនប្រជាពលរដ្ឋ៕
ប្រភពព័ត៌មាន: រដ្ឋបាលខេត្តសៀមរាប (ថ្ងៃទី០៥ ខែមករា ឆ្នាំ២០១៨)
