ថ្ងៃសៅរ៍ ១៣កេីត ខែកត្ដិក ឆ្នាំកុរ ឯកស័ ព.ស.២៥៦៣ ត្រូវនឹងថ្ងៃទី ៩ ខែវិច្ឆិកា ឆ្នាំ២០១៩ ឯកឧត្ដម ម៉ុម សារឿន និងលោកជំទាវ បានដឹកនាំ និងចូលរួមរៀបចំប្រារព្ធពិធីទទួលទានអំបុក តេជោសន្តិភាព ការពារជាតិ សាសនា ព្រះមហាក្សត្រ និងអបអរសាទរខួបអនុស្សាវរីយ៍លេីកទី ៦៦ នៃទិវាបុណ្យឯករាជ្យជាតិ និងទិវាកំណេីតកងយោធពលខេមរភូមិន្ទ (៩ វិច្ឆិកា ១៩៥៣ - ៩ វិច្ឆិកា ២០១៩)។
ការរៀបចំកម្មវិធីទទួលទានអំបុក តេជោសន្តិភាព ការពារជាតិ សាសនា ព្រះមហាក្សត្រ និងអបអរសាទរខួបអនុស្សាវរីយ៍លេីកទី ៦៦ នៃទិវាបុណ្យឯករាជ្យជាតិ និងទិវាកំណេីតកងយោធពលខេមរភូមិន្ទ ត្រូវបានប្រព្រឹត្តឡេីងយ៉ាងទូលំទូលាយនៅទូទាំងខេត្តស្ទឹងត្រែង ទាំងនៅថ្នាក់ខេត្ត ក្រុងស្រុក ឃុំសង្កាត់ មន្ទីរអង្គភាព សហគមន៍មូលដ្ឋាន ដែលមានការចូលរួមពីកងកម្លាំងប្រដាប់អាវុធ មន្ត្រីរាជការ លោកគ្រូ អ្នកគ្រូ សិស្ស និស្សិត និងប្រជាពលរដ្ឋយ៉ាងសប្បាយរីករាយ៕
ប្រភព៖ រដ្ឋបាលខេត្តស្ទឹងត្រែង