រសៀលថ្ងៃព្រហស្បតិ៍ ៣រោច ខែបុស្ស នព្វស័ក ព.ស២៥៦១ ត្រូវនឹងថ្ងៃទី០៤ ខែមករាឆ្នាំ២០១៨នេះ ឯកឧត្តម សរ ចំរុង អភិបាលខេត្តក្រចេះ និងឯកឧត្តម ប៉ាន់ខែម ប៊ុនថន ជំនួយការផ្ទាល់សម្តេចអគ្គមហាសេនាបតីតេជោ ហ៊ុនសែន និងជាប្រធានប្រតិបត្តិសម្ពន្ធយុវជនស្រលាញ់សន្តិភាព បានអញ្ចើញជាអធិបតីក្នុងពិធីបិទការប្រកួតកីឡាបាល់ទាត់អបអរសាទរខួបអនុស្សាវរីយ៍លើកទី៣៩ នៃទិវាជយ័ជំនះ(៧មករា១៩៧៩ ៧មករា២០១៨) ដោយមានក្រុមកីឡាខេត្ដក្រចេះចំនួន១៦ក្រុម ចូលរួមប្រកួតដណ្ដើមពានរង្វាន់៧មករា ឆ្នាំ២០១៨ ដែលរៀបចំឡើងដោយក្រុមយុវជនសម្ពន្ធស្រលាញ់សន្តិភាព រដ្ឋបាលខេត្ត និងមន្ទីរអប់រំយុវជន និងកីឡាខេត្ត។ ដោយមានការអញ្ចើញចូលរួមឯកឧត្តម អភិបាលរងខេត្ត លោក លោកស្រីប្រធាន អនុប្រធានមន្ទីរ អង្គភាពជុំវិញខេត្ត កងកម្លាំងទាំបី យុវជនសម្ពន្ធយុវជនស្រលាញ់សន្តិភាព យុវជនក១៥៧ និងក្រុមកីឡាករប្រមាណ២០០នាក់។ ឯកឧត្តមក៏បានផ្តាំផ្ញើដល់ ប្អូនក្មួយៗយុវជនទាំងអស់ត្រូវជៀសឆ្ងាយពីគ្រឿងញៀន និងអំពើអាបាយមុខផ្សេងៗដែលផ្ទុយខុសពីនិតិវិធីច្បាប់ ត្រូវខិតខំរៀនសូត្រ ធ្វើជាកូនល្អ សិស្សល្អ ដើម្បីក្លាយជាធនធានមនុស្ស ចូលរួមអភិវឌ្ឍន៍ប្រទេសជាតិ។ ក្នុងឱកាសនោៈផងដែរឯកឧត្តមបានអញ្ជើញផ្ដល់ជ័យលាភីក្រុមកីឡាដែលទទួលបានជ័យជំនះ និងឧបត្ថមថវិកា -លេខ១ ទទួលបានពានរង្វាន់១ និងថវិកាចំនួន១,៦០០,០០០៛-លេខ២ ទទួលបានមេដាយ និងថវិកាចំនួន១,២០០,០០០៛-លេខ៣ ទទួលបានមេដាយ និងថវិកាចំនួន១,០០០,០០០៛ និងក្រុមកីឡាដែរមិនទទួលបានជ័យជំនះទទួលបានថវិកាចំនួន២០០,០០០៛ផងដែរ៕ ប្រភពព័ត៌មាន: រដ្ឋបាលខេត្តក្រចេះ (ថ្ងៃទី០៤ ខែមករា ឆ្នាំ២០១៨)