ឯកឧត្តម គួច ចំរើន អភិបាលខេត្តព្រះសីហនុ បើកកិច្ចប្រជុំត្រៀមរៀបចំបើកការដ្ឋានសាងសង់ផ្លូវ ៣៤ខ្សែ ក្នុងក្រុងព្រះសីហនុ នៅសាលាខេត្តព្រះសីហនុ
រសៀលថ្ងៃសុក្រ ១៣កើត ខែកក្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៨ ខែវិច្ឆិកា ឆ្នាំ២០១៩ ឯកឧត្តម គួច ចំរើន អភិបាលខេត្តព្រះសីហនុ បានធ្វើការណែនាំដល់ក្រុមហ៊ុន និងកងកម្លាំងវិស្វកម្ម បន្តយកចិត្តទុក ដាក់ឈូសឆាយសម្រូលផ្លូវធ្វើដំណើររបស់ប្រជាពលរដ្ឋក្នុងក្រុងព្រះសីហនុ។ ម្យ៉ាងទៀតការឈូសឆាយ សាងសង់ផ្លូវ ត្រូវយកនិយាមការជាគោល ដើម្បីឱ្យដំណើរការសាងសង់ផ្លូវទាំង ៣៤ខ្សែ ទទួលខុសត្រូវតាមក្រុមហ៊ុន អង្គភាពនិមួយៗ ដែលត្រូវបើកបើកការដ្ឋាននៅថ្ងៃទី១៦ ខែវិច្ឆិកា ២០១៩ខាងមុខ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕
ប្រភព៖ រដ្ឋបាលខេត្តព្រះសីហនុ
