ព្រឹកថ្ងៃពុធ ទី៦ ខែវិច្ឆិកា ឆ្នាំ២០១៩ ឯកឧត្តម វ៉ា ថន អភិបាល ខេត្តក្រចេះ អញ្ជើញជួបសំណេះសំណាល និងណែនាំដល់គណៈ កម្មាការគ្រប់គ្រងទូក ង ដែលមានឈ្មោះត្រូវទៅធ្វើការប្រកួត ប្រណាំងក្នុងព្រះរាជពិធីបុណ្យអុំទូក បណ្តែតប្រទីត អកអំបុក និងសំពះព្រះខែនាថ្ងៃទី១០-១១-១២ ខែវិច្ឆិកាឆ្នាំ២០១៩ខាងមុខនេះ។
ឯកឧត្តមអភិបាលខេត្ត បានមានប្រសាសន៍ទៅកាន់ក្រុមការងារគណៈកម្មាការដឹកនាំទូក ង ត្រូវត្រៀមលក្ខណៈដើម្បីដឹកជញ្ជូនក្រុមកីឡាករតាមរថយន្ត និងអូសសណ្ដោងតាមផ្លូវទឹក ទៅរាជធានីភ្នំពេញឲ្យបានល្អ នឹងមានសុវត្ថិភាព ហើយនៅពេលមកដល់ភ្នំពេញ ក្រុមការងារនិងគណៈកម្មការត្រូវយកចិត្តទុកដាក់លើការស្នាក់នៅហូបចុក អនាម័យ និងសុខភាពរបស់ក្រុមកីឡាករទូក ង ដើម្បីហ្វឹកហាត់នៅភ្នំពេញឲ្យបានមាត់ចត់ និងមានលក្ខណៈបច្ចេកទេសក្នុងការអុំទូក។
ម្យ៉ាងវិញទៀត គណៈកម្មការ និងក្រុមកីឡាករទូក ង ត្រូវគោរពវិន័យបទបញ្ជា មានការឯកភាពផ្ទៃក្នុងល្អ និងចេះយោគយល់អធ្យាស្រ័យគ្នាទៅវិញទៅមក គឺត្រូវខិតខំហ្វឹកហាត់ និងរួមកម្លាំងគ្នាដើម្បីធ្វើយ៉ាងណាឲ្យទូក ង កាន់តែលឿនជាងមុនដើម្បីយកជ័យជម្នះ និងកិត្តិយសជូនខេត្ត និងហាមដាច់ខាតមិនត្រូវពិសារគ្រឿងស្រវឹង និងកុំភ្លេចយកអំបុកទទួលទាននៅភ្នំពេញទាំងអស់គ្នាដើម្បីចូលរួមអបអរសាទរនឹងហូបអំបុកការពារជាតិ សាសនា ព្រះមហាក្សត្រ នៅថ្ងៃទី៩ ខែវិច្ឆិកា ឆ្នាំ២០១៩ ខាងមុខនេះទាំងអស់គ្នា។
សូមបញ្ជាក់ដែរថា ៖ ព្រះរាជពិធីបុណ្យអុំទូក អកអំបុក បណ្តែតប្រទីប និងសំពះព្រះខែ នឹងឈានចូលមកដល់នាថ្ងៃទី១០-១១-១២ ខែវិច្ឆិកា ឆ្នាំ២០១៩ ខាងមុខនេះ ហើយសម្រាប់ខេត្តក្រចេះ មានទូក ង ចំនួន ១៥ទូក ក្នុងនោះមាន ទូក ង គូរពិសេសចំនួន ៤ ទូក ។ ក្នុងនោះដែរឯកឧត្តម បានប្រគល់នូវគ្រឿងបិរភាប និងថវិការរួមមាន ៖ ទូកវែងគូរពិសេសទាំង៤ទូក ក្នុង១ទូក ទទួលបានថវិកា ៣ ៥០០ ០០០លានរៀល និងទូកខ្នាតខ្លី ទទួលបានថវិការចំនួន ១ ៥០០ ០០០លានរៀលក្នុង១ទូក៕
ប្រភព៖ រដ្ឋបាលខេត្តក្រចេះ