រដ្ឋបាលខេត្តកំពង់ចាម សម្ពោធដាក់ឲ្យប្រើប្រាស់ជាផ្លូវការ អគារសិក្សា ១ខ្នង ២ជាន់ ១២បន្ទប់ ជាអំណោយរបស់សមាគមដំណឹងល្អពិភពលោក នៅវិទ្យាល័យ ស្រេង គីម ស្ថិតនៅភូមិសេនសុនជើង ឃុំស្រង៉ែ ស្រុកព្រៃឈរ ខេត្តកំពង់ចាម នាព្រឹកថ្ងៃទី០៦ ខែវិច្ឆិកា ឆ្នាំ២០១៩ ក្រោមអធិបតីភាពឯកឧត្ដម អ៊ុន ចាន់ដា អភិបាល ខេត្តកំពង់ចាម។
ឯកឧត្ដម អ៊ុន ចាន់ដា អភិបាល ខេត្តកំពង់ចាម បានមានប្រសាសន៍ថា ចាប់ពីពេលនេះតទៅ អគារសិក្សានេះ គឺជារបស់យើងទាំងអស់គ្នាហើយ ដូច្នេះក្មួយៗជាយុវជននៅទីនេះ ត្រូវខិតខំសិក្សារៀនសូត្រឲ្យពូកែ ដើម្បីក្លាយជាធនធាន ប្រកបដោយសមត្ថភាព ជាទំពាំស្នងឬស្សី នាពេលអនាគត។ ឯកឧត្តមអភិបាលខេត្តកំពង់ចាម បានចាត់ទុកថា សមិទ្ធផល ដែលជាអំណោយសប្បុរសជន នូវអគារសិក្សាដ៏ល្អ ១ខ្នងនេះ ជាការចូលចំណែកជាមួយរាជរដ្ឋាភិបាល ក្នុងការលើកកម្ពស់វិស័យអប់រំ នៅកម្ពុជា និយាយរួម និងដោយឡែក វិស័យអប់រំ នៅក្នុងស្រុកព្រៃឈរ នៃខេត្តកំពង់ចាម ស្ថិតក្រោមដំបូលសុខសន្តិភាព នៃនយោបាយឈ្នះឈ្នះ ក្រោមការដឹកនាំ របស់សម្ដេចអគ្គមហាសេនាបតីតេជោ ហ៊ុន សែន។
គូសបញ្ជាក់ ផងដែរថា សិក្សា ១ខ្នង នេះ បានកសាងឡើង តារយៈ ការខិតខំប្រឹងប្រែង របស់សហគមន៍ ប្រជាពលរដ្ឋ និងអាជ្ញាធរគ្រប់លំដាប់ថ្នាក់ សប្បុរសជន ព្រមទាំង គណៈគ្រគ្រងសាលា លោកគ្រូ អ្នកគ្រូ សិស្សានុសិស្សទាំងអស់ សប្បុរសជន របស់សមាគមដំណឹងល្អពីភពលោក បានកសាអគារសិក្សា នេះឡើង ចំណាយថវិកា ១៥៩.៧៥០ដុល្លារ អាមេរិក៕
ប្រភព៖ រដ្ឋបាលខេត្តកំពង់ចាម
