បន្ទាយមានជ័យ៖ រដ្ឋបាលខេត្តបន្ទាយមានជ័យ បានរៀបចំកិច្ចប្រជុំគណៈបញ្ជាឯកភាពខេត្ត នៅរសៀលថ្ងៃទី៥ ខែវិច្ឆិកា ឆ្នាំ២០១៩ នៅសាលប្រជុំសាលាខេត្ត ដែលដឹកនាំដោយ ឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ និងជាប្រធានអង្គប្រជុំ បណ្តាមន្ទីរ អង្គភាពពាក់ព័ន្ធ ជុំវិញខេត្ត អភិបាលក្រុង-ស្រុកទាំង៩ កងកម្លាំង សមត្ថកិច្ច គ្រប់ជាន់ថ្នាក់ បានចូលរួម ដេីម្បីត្រៀមរៀបចំផែនការការងារ រៀបចំប្រារព្ធខួបអនុស្សាវរីយ៍ លេីក៦៦ នៃទិវាឯករាជ្យ ជាតិ និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាពេលខាងមុខ។
ឯកឧត្តម អ៊ុ រាត្រី ប្រធានអង្គប្រជុំ បានជម្រុញដល់សមត្ថកិច្ចពាក់ព័ន្ធ គ្រប់បណ្តារកងឯកភាពរដ្ឋបាលខេត្ត ត្រូវរៀបចំការពារសន្តិសុខ សណ្តាប់ ធ្នាប់ ឲ្យបានល្អ សម្រាប់ថ្ងៃ៩ វិច្ឆិកា ដែលជាថ្ងៃខួបអនុស្សាវរីយ៍ លេីក៦៦ នៃបុណ្យឯករាជជាតិ និងព្រះរាជពិធីបុណ្យអុំទូក នាពេលខាងមុខ ឲ្យបានល្អប្រសេីរ ពិសសត្រៀមទបស្កាត់ចលនាបោះបោរពីកក្រុមឧទ្ទាមក្រៅច្បាប់ កុំឲ្យកេីតមាន ក្នុងន័យបង្កចលនាចលដល់សង្គមជាតិ។
ឯកឧត្តម អភិបាលខេត្ត ក៏បានផ្តល់អនុសាសន៍ ណែនាំ ដល់កងកម្លាំងសមត្ថកិច្ចពាក់ព័ន្ធទាំងអស់ ត្រូវបន្តពង្រឹងកងកម្លាំងការពារសន្តិសុខ សណ្តាប់ ធ្នាប់ ឲ្យបានជាប្រចាំ ពិសេសកងកម្លាំងដែលឈរតាមបន្ទាត់ព្រំដែន ត្រូវទបស្កាត់ឲ្យបានកុំឲ្យកេីតមានសកម្មភាពប្រមូលផ្តុំណាមួយ ក្នុងន័យបង្កចលនាចល ប៉ះពាល់ដល់សន្តិសុខ សង្គមជាតិ និងដេីម្បីបន្តបង្កេីនការថែរក្សាសន្តិសុខ និងការគ្រប់គ្រងឲ្យបានល្អនូវសភាពការណ៍ផ្ទៃក្នុងប្រទេស ពង្រឹងការគ្រប់គ្រងសន្តិសុខ សណ្តាប់ ធ្នាប់ សាធារណៈ និងសុវត្ថិភាពសង្គម សំដៅបន្តបង្កបរិយាកាសដល់ប្រជាជនបានចូលរួមពិធីបុណ្យជាតិខាងមុខនេះ ប្រកបដោយសុខសុវត្ថិភាព និងភាពសប្បាយរីករាយ។ ហេីយនៅថ្ងៃទី៩ វិច្ឆិកា នេះដែរនៅទូទាំងប្រទេសកម្ពុជាក៏មានព្រឹត្តការនៃការពិសារអំបុក ដេីម្បីការពារជាតិ សាសនា ព្រះមហាក្សត្រ ក្នុងនោះសម្រាប់ខេត្តបន្ទាយមានជ័យក៏បានរៀបចំត្រៀមស្រូវសម្រាប់ ដាល់អំបុកនៅតាមបណ្តារស្រុក-ក្រុង-ឃុំ-សង្កាត់ និងភូមិរួចរាលហេីយផងដែរ សម្រាប់ថ្ងៃ៩ វិច្ឆិកា ខាងមុខនេះ៕
ប្រភព៖ រដ្ឋបាលខេត្តបន្ទាយមានជ័យ