រសៀលថ្ងៃទី៥ ខែវិច្ឆិកា ឆ្នាំ២០១៩ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ អមដំណើរដោយឯកឧត្តម គួចចំរើនអភិបាល នៃគណៈអភិបាលខេត្តព្រះសីហនុ និងមន្ត្រីមន្ទីរ ជំនាញចុះពិនិត្យស្ថានភាពផ្លូវ ៣៤ខ្សែ ក្នុងខេត្តព្រះសីហនុ។

      ក្នុងការចុះពិនិត្យមើលផ្លូវក្រវ៉ាត់ក្រុង ចេញពីព្រលានយន្តហោះអន្តរជាតិ ស្ថិតក្នុងឃុំរាម ស្រុកព្រៃនប់ ខេត្តព្រះសីហនុ រហូតដល់ឆ្នេររាម និងបានបន្តដំណើរពិនិត្យផ្លូវនៅភ្នំជំទាវម៉ៅ ចូលមកក្រុងព្រះសីហនុ បន្តពិនិត្យមើលទីតាំងរៀបចំពិធីបើកការដ្ឋានសាងសង់ផ្លូវទាំង៣៤ ខ្សែ ដែលគ្រោងនឹងបើកកាដ្ឋាននៅថ្ងៃទី១៦ ខែវិច្ឆិកា ឆ្នាំ២០១៩ ខាងមុខក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕

ប្រភព៖ រដ្ឋបាលខេត្តព្រះសីហនុ