ថ្នាក់ដឹកនាំខេត្តកំពត អញ្ជើញចូលរួមក្នុងពិធីសូត្រមន្តបុណ្យកឋិនទានសាមគ្គី នៅវត្តព្រះពុទ្ធជយមង្គលារាម(ហៅវត្តវាលពួច)
កាលពីរសៀលថ្ងៃសៅរ៍ ទី០២ ខែ វិច្ឆិកា ឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្ត និងលោកជំទាវ ព្រមទាំង ឯកឧត្តម ជឹង ផល្លា ប្រធានក្រុមប្រឹក្សា និងលោកជំទាវ បានអញ្ជើញចូលរួមក្នុងពិធីសូត្រមន្តបុណ្យកឋិនទានសាមគ្គី នៅវត្តព្រះពុទ្ធជយមង្គលារាម(ហៅវត្តវាលពួច)។
ក្នុងកម្មវិធីសូត្រមន្តបុណ្យកឋិនទានសាមគ្គីនេះដែរ មានការអញ្ជើញចូលរួមពី ឯកឧត្តម លោកជំទាវសមាជិកក្រុមប្រឹក្សាខេត្ត អភិបាលរងខេត្ត នាយក នាយករងរដ្ឋបាលសាលាខេត្ត ប្រធានមន្ទីរ អង្គភាពជុំវិញខេត្ត កងកម្លាំងប្រដាប់អាវុធទាំងបី នាយក នាយករងទីចាត់ការ ប្រធាន អនុប្រធានអង្គភាពចំណុះសាលាខេត្ត មន្ត្រីរាជការ ពុទ្ធិបរិស័ទ្ធ សរុបប្រមាណ១០០នាក់៕
ប្រភព៖ រដ្ឋបាលខេត្តកំពត
