ឯកឧត្តម អភិបាលខេត្ត អញ្ជើញសំណេះសំណាលជាមួយកីឡាករ កីឡាការិនីទូក របស់រដ្ឋបាលខេត្តកំពង់ស្ពឺ
កំពង់ស្ពឺ៖ នាព្រឹកថ្ងៃសុក្រ ទី១ ខែវិច្ឆិកា ឆ្នាំ២០១៩ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺបានអញ្ជើញ សំណេះសំណាលនិងនាំយកគឿងឧបភោគ បរិភោគ មួយចំនួនឧបត្ថម្ភជូនដល់ កីឡាករ កីឡាការិនីទូករបស់រដ្ឋបាលខេត្តកំពង់ស្ពឺ។
សូមបញ្ជាក់ផងដែរថាពិធីប្រណាំងទូកនឹងប្រារព្ធធ្វើឡើងនៅស្របតាមបណ្ដោយនៃដងស្ទឹងព្រែកត្នោត មុខសួនច្បារ សម្ដេចព្រះសង្ឃរាជ ជួន ណាត ចាប់ពីថ្ងៃទី០២-០៣ ខែវិច្ឆិកា ឆ្នាំ២០១៩។
ក្នុងឱកាសនោះដែរក៏មានការរៀបចំការប្រកួតប្រដាល់គុណខ្មែរ-អន្តរជាតិ ការប្រគុំតន្ត្រី ការតាំងពិព័រណ៍ និងការបាញ់កាំជ្រួចដ៏អស្ចារ្យផងដែរ៕
ប្រភព៖ រដ្ឋបាលខេត្តកំពង់ស្ពឺ
