កំពង់ស្ពឺ ៖ នាព្រឹកថ្ងៃសុក្រ ទី១ ខែវិច្ឆិកា ឆ្នាំ២០១៩ ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ និងជាប្រធានគណៈកម្មាធិការសាខាកាកបាទក្រហមកម្ពុជាខេត្ដកំពង់ស្ពឺ បានអញ្ជើញជាអធិបតីក្នុងពិធីផ្សព្វផ្សាយពីច្បាប់ចរាចរណ៍ដល់សាធារណជនទូទៅ។
គោលបំណងក្នុងយុទ្ធនាការផ្សព្វផ្សាយនេះ ៖គឺដើម្បីលើកកម្ពស់ការយល់ដឹង និងសមត្ថភាពជំនាញដល់អ្នកស្ម័គ្រចិត្ត និងយុវជនកាកបាទក្រហម លើវិធីសាស្ត្រអប់រំផ្សព្វផ្សាយពីសុវត្ថិភាពចរាចរណ៌ ក្នុងការអនុវត្តន៌ជាក់ស្តែងតាមសាលា និងសហគមអោយកាន់តែមានប្រសិទ្ធភាព មួយវិញទៀតគឺដើម្បីឲ្យសាធារណជនទូទៅបានយល់ដឹងពីសុវត្ថិភាពចរាចរណ៌ ដែលទាក់ទងទៅនិងហានិភ័យនៃការបើកបរមិនពាក់មួកសុវត្ថិភាព និងការបើកបរក្រោមឥទ្ធិពលនៃគ្រឿងស្រវឹង រួមចំណែកកាត់បន្ថយអ្នករបួស ស្លាប់ និងពិការភាពពីគ្រោះថ្នាក់ចរាចរណ៌ឲ្យនៅកំរិតទាប នៅក្នុងឱកាសបុណ្យអុំទូកថ្នាក់ខេត្តនាពេលខាងមុននេះ៕
ប្រភព៖ រដ្ឋបាលខេត្តកំពង់ស្ពឺ