កំពង់ឆ្នាំង៖ នៅព្រឹកថ្ងៃទី៣១ ខែតុលា ឆ្នាំ២០១៩ នៅសាលប្រជុំសាលាខេត្តកំពង់ឆ្នាំង បានដំណើរការកិច្ចប្រជុំសាមញ្ញលើកទី៥ អាណត្តិទី៣ របស់ក្រុមប្រឹក្សាខេត្ត ក្រោមអធិបតីភាពឯកឧត្តមឡុង ឈុនឡៃ ប្រធានក្រុមប្រឹក្សាខេត្ត និងលោកជំទាវប៊ន សុភី អភិបាលរងខេត្ត។
ក្នុងឱកាសនោះ ក៏មានការអញ្ជើញចូលរួមពីឯកឧត្តម លោកជំទាវសមាជិក សមាជិកាក្រុមប្រឹក្សាខេត្ត កងកម្លាំងទាំងបីឈរជើងក្នុងខេត្ត ប្រធានការិយាល័យប្រជាពលរដ្ឋ នាយករងរដ្ឋបាលសាលាខេត្ត មន្ទីរអង្គភាពជុំវិញខេត្ត ទីចាត់ការ និងអង្គភាពចំណុះសាលាខេត្តជាច្រើនរូប។
នៅក្នុងកិច្ចប្រជុំសាមញ្ញលើកទី៤ ឯកឧត្តមឡុង ឈុនឡៃ ប្រធានក្រុម្រប្រឹក្សាខេត្ត បានស្នើឱ្យសមាជិក សមាជិកាក្រុមប្រឹក្សាខេត្ត ពិនិត្យ និងអនុម័តនូវខ្លឹមសាររបៀបវារ:ដូចខាងក្រោម៖
១.កំណត់ហេតុកិច្ចប្រជុំសាមញ្ញលើកទី៤
២. របាយការណ៍ត្រីមាសទី៣ និងរបាយការណ៍ប្រចាំខែតុលា ឆ្នាំ២០១៩ ស្ដីពីលទ្ធផលសកម្មភាពការងាររបស់រដ្ឋបាលខេត្តកំពង់ឆ្នាំង។
ជាមួយគ្នានោះដែរ សមាជិក សមាជិកាក្រុមប្រឹក្សាខេត្ត បានស្នើឱ្យមន្ទីរ អង្គភាពជំនាញស្រាយបំភ្លឺបញ្ហាផ្សេងៗដែលនៅក្នុងកិច្ចប្រជុំក្រុមប្រឹក្សាខេត្តបានលើកឡើង។ បន្ថែមពីនោះ អង្គប្រជុំបាន បានជម្រុញឱ្យអាជ្ញាធរមានសត្ថកិច្ចបន្តផ្សព្វផ្សាយច្បាប់ពាក់ព័ន្ធនឹងការរំលោភបំពាន និងអំពើស្ត្រី និងកុមារ ព្រមទាំងបន្តជម្រុញមាតា បិតាអាណាព្យាបាលដែលមានកូនគ្រប់អាយុចូលរៀន សូមនាំកូនចុះឈ្មោះចូលរៀនឱ្យបានគ្រប់ៗគ្នា។
ឆ្លៀតក្នុងឱកាសនោះ លោកជំទាវប៊ន សុភី អភិបាលរងខេត្ត បានវាយតម្លៃខ្ពស់ និងកោតសរសើរចំពោះក្រុមប្រឹក្សាខេត្ត និងគណៈអភិបាលខេត្តដូចជាក្រុមគ្រួសារតែមួយ ដោយសហការ ចូលរួមបំពេញការងារទទួលលទ្ធផលល្អ និងមានការអភិវឌ្ឍជាបន្តបន្ទាប់៕
ប្រភព៖ រដ្ឋបាលខេត្តកំពង់ឆ្នាំង
