ឯកឧត្តម កាយ សំរួម និងលោកជំទាវ មិថុនា ភូថង អភិបាលខេត្តកោះកុង អញ្ជើញជាអធិបតីក្នុងកិច្ចប្រជុំវិភាគស្ថានភាពខេត្ត និងផ្សព្វផ្សាយដំណើរការរៀបចំកម្មវិធីវិនិយោគ៣ឆ្នាំរកិលខេត្ត(២០២០-២០២២)
នាព្រឹកថ្ងៃពុធ ទី៣០ តុលា ឆ្នាំ២០១៩ នេះ ឯកឧត្តម កាយ សំរួម ប្រធានក្រុមប្រឹក្សាខេត្ត និងលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតីក្នុងកិច្ចប្រជុំវិភាគស្ថានភាពខេត្ត និងផ្សព្វផ្សាយដំណើរការរៀបចំកម្មវិធីវិនិយោគ៣ឆ្នាំរកិលខេត្ត(២០២០-២០២២)។ ដោយមានការអញ្ជើញចូលរួមពីសំណាក់ ឯកឧត្តម លោកជំទាវសមាជិកក្រុមប្រឹក្សាខេត្ត អភិបាល អភិបាលរងខេត្ត អភិបាល អភិបាលរងក្រុង ស្រុក ប្រធាន អនុប្រធាន និងមន្ត្រីជំនាញតាមបណ្តាមន្ទីរ អង្គភាពនានាជុំវិញខេត្ត សរុបចំនួន១២០នាក់។
កិច្ចប្រជុំនៅថ្ងៃនេះមានគោលបំណងធំចំនួន២÷
១-ការវិភាគស្ថានភាពខេត្ត ដើម្បីការរៀបចំផែនការអភិវឌ្ឍន៍រយ:ពេល៥ឆ្នាំ។
២-ការបំពេញធាតុចូលសម្រាប់រៀបចំកម្មវិធីវិនិយោគ៣ឆ្នាំរំកិល(២០២០-២០២២)៕
ប្រភព៖ រដ្ឋបាលខេត្តកោះកុង
