ឯកឧត្តម គួច ចំរើន អភិបាល នៃគណៈអភិបាល ខេត្តកំពង់ចាម បានចុះធ្វើការណែនាំ អប់រំ ចំពោះ ប្រជាពលរដ្ឋឲ្យយល់ដឹងអំពីច្បាប់ចរាចរណ៍ និង គ្រោះថ្នាក់ចរាចរណ៍ ដោយមិនពាក់មួកសុវត្ថិភាព
នាព្រឹកថ្ងៃពុធ ២រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី ០៣ ខែមករា ឆ្នាំ២០១៨ ឯកឧត្តម គួច ចំរើន អភិបាល នៃគណៈអភិបាល ខេត្តកំពង់ចាម និងជាគណៈបញ្ជាការឯកភាពខេត្ត បានចុះធ្វើការណែនាំ អប់រំ ចំពោះ ប្រជាពលរដ្ឋឲ្យយល់ដឹងអំពីច្បាប់ចរាចរណ៍ គ្រោះថ្នាក់ចរាចរណ៍ ដោយមិនពាក់មួកសុវត្ថិភាព ដែលរៀបចំឡើងដោយមន្ទីរសាធារណៈការ និងដឹកជញ្ជូនខេត្ត និងស្នងការនគរបាល ខេត្តកំពង់ចាម សហការជាមួយអាជ្ញាធរមូលដ្ឋាន។ នាឱកាសនោះដែរ ឯកឧត្តមអភិបាលខេត្ត ក៏បានផ្តល់នូវមួកសុវត្ថិភាពចំនួន២០០មួក និងសៀវភៅណែនាំ អំពីច្បាប់ចរាចរណ៍ផ្លូវគោកមួយចំនួន ទៅដល់ប្រជាពលរដ្ឋ ផងដែរ ៕
ប្រភពព័ត៌មាន: រដ្ឋបាលខេត្តកំពង់ចាម (ថ្ងៃទី០៣ ខែមករា ឆ្នាំ២០១៨)
