រសៀលថ្ងៃចន្ទ ទី២៨ ខែតុលា ឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្តកំពត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តកំពត បានអញ្ជើញជាអធិបតីភាព ក្នុងកិច្ចប្រជុំពេញអង្គគណៈកម្មាធិការសាខាកាកបាទក្រហមកម្ពុជាខេត្តកំពត ដោយមានការ​អញ្ជើញ​ចូលរួមពី សមាជិក សមាជិកា គណៈកម្មាធិការសាខា ប្រធានគណៈកម្មាធិការអនុសាខាក្រុង-ស្រុក សរុបចំនួន ៣២នាក់ នៅសាលប្រជុំក្រុមប្រឹក្សាសាលាខេត្ត។

កិច្ចប្រជុំនេះបានពិនិត្យនិងពិភាក្សាលើរបៀបវារៈដូចខាងក្រោម៖
+ពិនិត្យនិងពិភាក្សាលើសេចក្តីព្រៀងស្តីពីការរៀបចំនិងការប្រព្រឹត្តិទៅរបស់សាខាកាកបាទក្រហមកម្ពុជា ខេត្តកំពត អាណត្តិទី៥ (២០១៩-២០២៥)
+អានលិខិតលេខ ១០៤ កក្រក.ធធ.ចត ចុះថ្ងៃទី១១ ខែតុលា ឆ្នាំ២០១៩ ស្តីពីការផ្តល់ការងារក្នុងមុខតំណែងលោក មុំ ក្រឹង ជានាយកសាខាកាកបាទក្រហមកម្ពុជា ខេត្តកំពត៕

ប្រភព៖ រដ្ឋបាលខេត្តកំពត