ព្រឹកថ្ងៃចន្ទ ទី២៨ ខែ តុលា ឆ្នាំ ២០១៩ ឯកឧត្តម ជាវ តាយ អភិបាល​នៃគណៈអភិបាលខេត្តកំពត បានទទួលជួបជាមួយ ប្រជាពលរដ្ឋចំនួន១៣ គ្រួសារ ស្នើសុំចេញប័ណ្ណកម្មសិទ្ធដី​ធ្លីរបស់ពួកគាត់ ដែលជាប់នឹងចំណីព្រែក ស្ថិតនៅភូមិទ្វីខាងត្បូង សង្កាត់អណ្ដូងខ្មែរ ក្រុងកំពត។

      ក្នុងនោះដែរ ឯកឧត្តមអភិបាលខេត្ត បានមានប្រសាសន៍​សំណូម​ពរ​​​ឲ្យប្រជាពលរដ្ឋមានការយោគយល់ថា រដ្ឋបាលខេត្តមិនអាច​អនុញ្ញាតចេញប័ណ្ណកម្មសិទ្ធ ជូនបងប្អូនលើដីចំណីព្រែកបានទេ។ ជាចុងក្រោយ ប្រជាពលរដ្ឋបានឯកភាពតាមការសម្របសម្រួល របស់ឯកឧត្តមអភិបាលខេត្ត ក្នុងការសាងសង់ផ្លូវទំហំ១២ម៉ែត្រ នៅតាមបណ្តោយមាត់ព្រែកស្របតាមគម្រោងអភិវឌ្ឍន៍របស់ខេត្ត បន្ទាប់មកនឹងចេញប័ណ្ណកម្មសិទ្ធលើដី ដែលនៅសល់ ជូនប្រជា​ពលរដ្ឋ។ ឯកឧត្តមអភិបាលខេត្ត បានសំណូមពរឲ្យ​ប្រជាពល​រដ្ឋមានការស្ងប់ចិត្ត រដ្ឋបាលខេត្ត នឹងដាក់កម្មវិធី​ចុះពីនិត្យ​ទីតាំងជាក់ស្តែង ក្នុងពេលឆាប់ៗខាងមុខនេះ៕

ប្រភព៖ រដ្ឋបាលខេត្តកំពត