នៅរសៀលថ្ងៃសៅរ៍ ទី២៦ ខែតុលា ឆ្នាំ២០១៩នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹល្សាខេត្ត រួមទាំងឯកឧត្តម លោកជំទាវសមាជិក សមាជិកាក្រុមប្រឹក្សាខេត្ត អភិបាលរងខេត្ត លោក លោកស្រីនាយក នាយករងរដ្ឋបាលសាលាខេត្ត លោក លោកស្រី ប្រធានមន្ទីរ-អង្គភាពនានា លោកអភិបាលក្រុង-ស្រុក និងតំណាងកងកម្លាំងទាំងបី បានអញ្ជើញចូលរួមពិធីសែនក្...រុងពាលីបួងសួងសុំសេចក្តីសុខក្នុងពិធីប្រណាំងទូកប្រពៃណីខ្នាតអន្តរជាតិ និងទូកក្តារបីសន្លឹក ដែលនឹងប្រារព្ធឡើងនៅថ្ងៃអាទិត្យទី២៧ ខែតុលា ឆ្នាំ២០១៩នេះ។
ក្នុងឱកាសនេះ ឯកឧត្តមអភិបាលខេត្ត និងថ្នាក់ដឹកនាំនានាក្នុងខេត្ត ក៏បានសែនថ្វាយដល់ព្រះគង្គារ បួងសួងសុំសេចក្តីសុខសប្បាយ ដើម្បីឲ្យពិធីប្រណាំងទូកនៅឆ្នាំនេះ
ប្រព្រឹត្តទៅដោយរលូន និងជោគជ័យ។ បន្ទាប់មកឯកឧត្តមអភិបាលខេត្តក៏បានធ្វើបទសម្ភាសន៍ជាមួយទូរទស្សន៍ជាតិកម្ពុជា ស្តីពីរការប្រព្រឹត្តទៅនៃការរៀបចំពិធីប្រណាំងទូក ជាពិសេសការរៀបចំសន្តិសុខសណ្តាប់ធ្នាប់ជូនបងប្អូនប្រជាពលរដ្ឋដែលមកលេងកម្សាន្តក្នុងឱកាសនៃពិធីនេះផងដែរ៕
ប្រភព៖ រដ្ឋបាលខេត្តស្វាយរៀង