លោក ផៃធូន ផ្លាមកេសន អភិបាលស្តីទីខេត្តកោះកុង បានអញ្ជើញជាអធិបតី ក្នុងពិធីបើកការដ្ឋានសាងសង់លូជ្រុង ចាប់ពីស្ថានីយ៍ប្រេងឥន្ធនៈ L.H.R ទៅរង្វង់មូលស្ត្រីរែកផ្លែឈើ ស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ
លោកអភិបាលខេត្តស្តីទី បានលើកឡើងថាគម្រោងវិនិយោគ របស់រដ្ឋបាលខេត្ត សម្រាប់ឆ្នាំ២០១៩ ត្រូវបានអនុវត្តសម្រាប់គម្រោងជួសជុល ថែទាំ និងស្ថាបនាលូជ្រុងនាពេលនេះ ដើម្បីរំដោះទឹកនារដូវវស្សា ចាប់ពីស្ថានីយប្រេង រហូត ដល់រង្វង់មូលស្ត្រីរែកផ្លែឈើ ជាមួយនេះផងដែរសូមអោយបងប្អូនប្រជាពលរដ្ឋ ដែលមានលំនៅដ្ឋានជាប់ការដ្ឋានសាង សង់ ចូលរួមជួយថែទាំ និងប្រើប្រាស់ អោយបានសមស្រប ជៀសវាងការចោលសំរាមចូលលូ និងសាងសង់រំលោភលើប្រព័ន្ធលូ នាំអោយស្ទះទឹក។ យើងចូលរួមទាំងអស់គ្នា ដើម្បីសោភ័ណ្ឌភាព ខេត្តកោះកុង៕
ប្រភព៖ រដ្ឋបាលខេត្តកោះកុង
