នាថ្ងៃចន្ទ ទី២១ ខែតុលា ឆ្នាំ២០១៩នេះ លោក ផៃធូន ផ្លាមកេសន អភិបាលខេត្តស្តីទី បានអញ្ជើញជាអធិបតី ដឹកនាំ កិច្ចប្រជុំផ្សព្វផ្សាយសេចក្តីព្រាង សេចក្តីសម្រេចជូនដំណឹង គណៈកម្មាការទទួលខុសត្រូវទូក"ង" សម្រាប់ចូលរួមប្រកួតនាថ្ងៃទី១១ ខែវិច្ឆិកា ឆ្នាំ២០១៩ នៅព្រែកកោះប៉ោ  ក្នុងខេត្តកោះកុង។

      លោកអភិបាលខេត្តស្តីទី បានគូសបញ្ជាក់ថា នាថ្ងៃបុណ្យអុំទូក នាពេលខាងមុខ គណៈកម្មការទទួលខុសត្រូវទូក ង សូមលោក លោកស្រី ពិនិត្យទូករបស់ខ្លួន ដែលមានការខូចខាតត្រូវធ្វើការជួសជុលអោយបានស្អាត រៀបចំសម្លៀកបំពាក់ក្រុមនីមួយៗ ពិនិត្យ និងជ្រើសរើសកីឡាករ ជាអ្នកដែលរស់នៅក្នុងភូមិ ឃុំ សង្កាត់ ក្រុង ស្រុក ចៀសវាងអ្នកមកពីខាងក្រៅ៕

ប្រភព៖ រដ្ឋបាលខេត្តកោះកុង