រដ្ឋបាលខេត្តកំពង់ស្ពឺ សហការជាមួយក្រុមគ្រូពេទ្យរបស់ខេត្ត ហៃ ណាន នៃសាធារណរដ្ឋប្រជាមានិតចិន ចុះពិនិត្យ ព្យាបាល និងវះកាត់ជំងឺភ្នែក ជូនបងប្អូនប្រជាពលរដ្ឋដោយឥតគិតថ្លៃ
រដ្ឋបាលខេត្តកំពង់ស្ពឺមានកិត្តិយស សូមគោរពជម្រាបជូន ឯកឧត្តម លោកឧកញ៉ា លោកជំទាវ លោក លោកស្រី សាធារណៈជនទូទៅ និងប្រជាពលរដ្ឋទាំងអស់មេត្តាជ្រាបថា ក្រុមគ្រូពេទ្យរបស់ខេត្ត ហៃ ណាន នៃសាធារណរដ្ឋប្រជាមានិតចិន សហការជាមួយរដ្ឋបាលខេត្តកំពង់ស្ពឺ ដែលមានមន្ទីរសុខាភិបាលខេត្តជាសេនាធិការក្នុងការសម្របសម្រួល បាននឹងកំពុងធ្វើការពិនិត្យ ព្យាបាល និងវះកាត់ជំងឺភ្នែក ជូនបងប្អូនប្រជាពលរដ្ឋដោយឥតគិតថ្លៃ ចាប់ពីថ្ងៃទី២១ ខែតុលា ឆ្នាំ២០១៩នេះ ដល់ថ្ងៃទី២៥ ខែតុលា ឆ្នាំ២០១៩ នៅមន្ទីរពេទ្យបង្អែកខេត្តកំពង់ស្ពឺ អាស្រ័យហេតុនេះដូចនេះសូមបងប្អូនសាធារណជនទាំងអស់ជ្រាបជាព័ត៌មាន៕
ប្រភព៖ រដ្ឋបាលខេត្តកំពង់ស្ពឺ
