ការទន្ទឹងរង់ចាំ ក៏ដូចជាការសន្យា សិស្សនិទ្ទេសA ទាំង២៥នាក់ក្នុងខេត្តបន្ទាយមានជ័យ ទទួលបានរង្វាន់ម៉ូតូម្នាក់១គ្រឿង ជាអំណោយដ៏ថ្លៃថ្លា របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ រួមនឹងទូរសព្ទស្មាតហ្វូនសេរីទំនេីប (Iphone)ម្នាក់១គ្រឿង ជាអំណោយដ៏ថ្លៃថ្លា ឯកឧត្ដម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងលោកជំទាវ ត្រូវបានប្រគល់ជូន នារសៀលថ្ងៃទី១៨ ខែតុលា ឆ្នាំ២០១៩ នៅសាលាខេត្តបន្ទាយមានជ័យ។
កម្មវិធីប្រគល់រង្វាន់ម៉ូតូជូនសិស្សជាប់និទ្ទេសAនេះផងដែរ មានការអញ្ជេីញចូលរួមជាអធិបតីភាពដ៏ខ្ពង់ខ្ពស់លោកជំទាវ ឧកញ៉ា ម៉ៅ ម៉ាល័យ កែគឹមយ៉ាន ប្រធានកត្តិយសសមាគន៍នារីកម្ពុជា ដេីម្បីសន្តិភាព និងអភិវឌ្ឍន៍ខេត្តបន្ទាយមានជ័យ មានការអញ្ជេីញចូលរួម ឯកឧត្ដម ស សុខា រដ្ឋលេខាធិការក្រសួងអប់រំ យុវជន និងកីឡា នឹងជាអនុប្រធានសហភាពសហព័ន្ធយុវជនកម្ពុជា និងលោកជំទាវ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងលោកជំទាវ រួមនឹងមានការចូលរួមពីសំណាក់ឯកឧត្តម លោកជំទាវ សមាជិកព្រឹទ្ធសភា និងរដ្ឋសភា មន្ត្រីរាជការទូទាំងខេត្ត សិស្សនិទ្ទេសA សិស្សានុសិស្សបានចូលរួមចំនួនជាង១០០០នាក់។
មានមតិចូលរួម ឯកឧត្តម អ៊ុំ រាត្រី បានមានប្រសាសន៍ថា ៖ ក្នុងនាមថ្នាក់ដឹកនាំខេត្តបន្ទាយមានជ័យពិតជាមានក្តីសោមនស្សរីករាយជាខ្លាំង ដោយយេីងទទួលបានធនធានអ្នកចេះដឹកច្រេីន ជាក់ស្តែងការប្រឡងសញ្ញាបត្រមធ្យមសិក្សាទុតិយភូមិ២០១៨-២០១៩នេះ យេីងទទួលបានសិស្សជាប់និទ្ទេសAរហូតទៅដល់២៥នាក់ កេីនឡេីងជាង២០១៨។ ឯកឧត្តម អភិបាលខេត្ត ក៏បានជម្រុញដល់សិស្សានុសិស្សថ្នាក់ទី១២ជំនាន់ក្រោយ ត្រូវខិតខំសិក្សារៀនសូត្រឲ្យបានច្រេីន ដេីម្បីទទួលបាននិទ្ទេសល្អទាំងអស់គ្នា ពិសេសសិស្សានុសិស្ស ត្រូវចៀសឲ្យឆ្ងាយពីគ្រឿងញៀន។
មានប្រសាសន៍សំណេះសំណាល ឯកឧត្តម ស សុខា ក៏បានលេីកឡេីងថា ៖ វិស័យអប់រំនាពេលបច្ចុប្បន្ននេះ មានរីកចម្រេីន អភិវឌ្ឍន៍យ៉ាងខ្លាំងដោយសាលារៀនមានភាពរីកចម្រេីន ដែលងាយស្រួយដល់ក្មួយៗសិក្សារៀនសូត្រប្រកបដោយចំណេះដឹងខ្ពស់ ពិសេសក្រោយពីមានការធ្វេីកំណែទម្រងរបស់ក្រសួងអប់រំ យុវជន និងកីឡា ឃេីញយេីងសង្កេតឃេីញថា សិស្សានុសិស្សបានខិតខំរៀនសូត្រយ៉ាងខ្លាំង ដោយក្នុងនោះយេីងក៏ទទួលបានធនធានអ្នកចេះដឹងច្រេីន តាមរយៈការប្រឡងសញ្ញាបត្រមធ្យមសិក្សាទុតិយភូមិ។ ឯកឧត្តមបន្តថា ៖ វិស័យអប់រំ គឺជាវិស័យអាទិភាពមួយដែលប្រមុខរាជរដ្ឋាភិបាលបានយកចិត្តទុកដាក់យ៉ាងខ្លាំង តាមរយៈការផ្តល់ជាអគារសិក្សាជាច្រេីនខ្នងច្រើនបន្ទប់ ដែលក្មួយៗសិស្សានុសិស្សបានរៀនសូត្រដោយងាយស្រួល គ្មានភាពភ័យខ្លាច ដូចកាលពីសម័យមុនឡេីយ ។ ដូច្នេះក្មួយសិស្សានុសិស្សត្រូវខិតខំរៀនសូត្របន្តទៀត ដេីម្បីក្លាយជាទំពាំងស្នងឬស្សី សម្រាប់ដឹកនាំប្រទេសជាតិនាពេលអនាគត់។
សូមបញ្ជាក់ថា ៖ សម័យប្រឡងមធ្យមសិក្សាទុតិយភូមិ ឬបាក់ឌុបឆ្នាំ២០១៩នេះ គឺមានបេក្ខជនប្រឡងសរុប ៤៩១៧នាក់ ស្រី២៥៨៧នាក់ បេីធៀបទៅនឹងឆ្នាំ២០១៨កន្លងទៅមានការកេីនឡេីង៣៩៧នាក់ (ឆ្នាំ២០១៨ មានបេក្ខជនសរុប៤២៩២នាក់ ស្រី២១៩០)។ ក្នុងនោះមណ្ឌលប្រឡងឆ្នាំនេះមានចំនួន៧ (មានថ្នាក់វិទ្យាសាស្ត្រ និងថ្នាក់វិទ្យាសាស្ត្រសង្គម) ពោលគឺមានការកេីនឡេីងកេីន១មណ្ឌល មាន១៩៨បន្ទប់(ឆ្នាំ២០១៨ មាន១៧៤បន្ទប់) សម្រាប់មណ្ឌលប្រឡងទាំង៧មណ្ឌលរួមមាន៖ វិទ្យាល័យ សិរីសោភ័ណ ,វិទ្យាល័យ សម្ដេចឪ, សាលាបឋមសិក្សា ហ៊ុន សែន សូភី, សាកលវិទ្យាល័យ UME, វិទ្យាល័យ ហ៊ុន សែន ខ្លាកូន , វិទ្យាល័យ អូរអំបិល និងសាកលវិទ្យាល័យ មានជ័យ៕
ប្រភព៖ រដ្ឋបាលខេត្តបន្ទាយមានជ័យ
