រដ្ឋបាលខេត្តបន្ទាយមានជ័យ បានរៀបចំកិច្ចប្រជុំ គណៈបញ្ជាការឯកភាពរបស់រដ្ឋបាលខេត្ត ដែលក្រោមអធិបតីភាព ឯកឧត្ដម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ និងជាប្រធានអង្គប្រជុំ រួមនឹងមានការអញ្ជេីញចូលរួមឯកឧត្តម លោកជំទាវ សមាជិក្រុមប្រឹក្សាខេត្ត លោក លោកស្រី ប្រធានមន្ទី អង្គភាព ស្ថាប័ន ពាក់ព័ន្ធ ជុំវិញខេត្ត កងកម្លាំង មានសម្ថកិច្ច ទាំង៣ប្រភេទបានចូលរួម ។ កិច្ចប្រជុំ នេះ ធ្វេីឡេីងនៅថ្ងៃព្រហស្បតិ៍ ទី ១៧ ខែតុលា ឆ្នាំ ២០១៩ នៅសាលប្រជុំ(សាលាខ) សាលាខេត្តបន្ទាយមានជ័យ ។
ឯកឧត្ដម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ និងជាប្រធានអង្គប្រជុំ បានមានប្រសាសន៍ ជម្រុញដល់កងកម្លាំង សមត្ថកិច្ចពាក់ព័ន្ធ នាឱកាសនៃការប្រណាំងទូកសម្រាប់ខេត្តបន្ទាយមានជ័យនៅថ្ងៃទី២៩-៣០ ខែតុលា ខាងមុខនេះ ត្រូវឲ្យបានរួចជាស្រេចក្នុងការចូលរួមថែរក្សាសន្តិសុខ សណ្តាប់ ធ្នាប់ ជូនបងប្អូនប្រជាពលរដ្ឋ ភ្ញៀវជាតិ -អន្តរជាតិ ដែលមកចូលរួមទស្សនា ការប្រណាំងទូករយៈពេល២ថ្ងៃ ឲ្យបានល្អប្រសេីរ ពិសេសត្រូវដាក់កងកម្លាំងតាមគោលដៅដែលបានកំណត់ ដេីម្បីធានាដល់សុខសុវត្ថិភាព ជូនបងប្អូនដែលមកចូលរួម។ ម្យ៉ាងវិញទៀត វិញចំពោះឯកឧត្តមប្រធានអង្គប្រជុំ ក៏បានជម្រុញដល់ក្រុមការងារ ត្រូវរៀបចំត្រៀមលក្ខណៈចាប់ពីពេលនេះតទៅ ទាំងទីតាំងប្រណាំងទូក ការរៀបចំប្រទីបរបស់ស្ថាប័ន អង្គភាព នីមួយៗ ព្រមជាមួយនឹងទីតាំងនៃការតាំងពិព័រណ៌ភូមិមួយផលិតមួយផងដែរ។
សូមបញ្ជាក់ថា ៖ សម្រាប់ការប្រណាំងទូក នៅខេត្ត បន្ទាយមានជ័យ ឆ្នាំ២០១៩នេះ មានទូកចូលរួមប្រកួតចំនួន២៥ទូក ក្នុងនោះ ៖ ទូកចំណុះ៧០នាក់ឡេីង មាន២ទូក , ទូក៦០ឡេីង មាន២ទូក, ទូក ២២ឡេីង មាន១៥ទូក, ទូក៥នាក់ មាន៤ទូក និងទូក៣នាក់ មាន២ទូក។ ដែលកម្មវិធីបេីកការប្រណាំងទូកនឹងចាប់ផ្តេីមពីម៉ោង ៩ព្រឹក ថ្ងៃទី២៩ ខែតុលា និងបិទបញ្ចប់នៅវេលាម៉ោង៣រសៀលថ្ងៃទី៣០ ខែតុលា ៕
ប្រភព៖ រដ្ឋបាលខេត្តតបន្ទាយមានជ័យ