នៅព្រឹកថ្ងៃ ទី១៤ ខែតុលា ឆ្នាំ២០១៩ ឯកឧត្ដម ជាវ តាយ អភិបាល នៃគណៈអភិបាលខេត្ត ព្រមទាំងថ្នាក់ដឹកនាំខេត្តមន្ទីរ-អង្គភាព ពាក់ព័ន្ធមួយចំនួនក្នុងខេត្ត បានអញ្ជើញអមដំណើរជាមួយ ឯកឧត្ដម នាយឧត្តមសេនីយ៍ យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី និងថ្នាក់ដឹកនាំក្រសួងស្ថាប័ន ពាក់ព័ន្ធ ដើម្បីចុះពិនិត្យទីតាំង ប្រារព្ធពិធីសម្ពោធដាក់អោយដំណើរការជាផ្លូវការនូវរោងចក្រផលិតស៉ីម៉ង់ត៍ថៃប៊ុនរ៉ុង ដែលស្ថិតនៅក្នុងភូមិល្អាង ឃុំល្អាង ស្រុកដងទង់ ខេត្តកំពត។

      ក្នុងកិច្ចប្រជុំ នេះពាក់ព័ន្ធចំពោះការងាររៀបចំពិធីការ និងសន្តិសុខ សុវត្ថិភាព សណ្ដាប់ធ្នាប់ ក្នុងអង្គពិធី  ឯកឧត្ដម នាយឧត្តមឧត្តមសេនីយ៍  យូ ស៊ុនឡុង  ក៏បានបញ្ជាក់ថានឹងគ្រោងត្រៀមភ្ញៀវកិត្តិយសជាតិអន្តរជាតិ និងប្រជាពលរដ្ឋចូលរួមទទួលស្វាគមន៍ សម្ដេច តេជោ ហ៊ុន សែន មានចំនួនប្រមាណ ៨៥០០នាក់។

      កិច្ចប្រជុំក៏បានចូលរួមពិភាក្សាពីផែនការបែងចែកភារកិច្ចលំអិតនៃការទទួលខុសត្រូវក្នុងដំណើរការពិធីសម្ពោធពីសំណាក់គណៈកម្មការរៀបចំបុណ្យជាតិ អាជ្ញាធរខេត្ត និងក្រុមហ៊ុន ថៃ ប៊ុន រ៉ុង ព្រមទាំងផ្នែកពាក់ព័ន្ធដើម្បី ធ្វើយ៉ាងណាអោយការប្រព្រឹត្តទៅធានាបានសន្តិសុខ សណ្ដាប់ធ្នាប់ ជូនថ្នាក់ដឹកនាំ ក៏ដូចអង្ពិធីទាំងមូល ប្រកបដោយភាពរលូន និងជោគជ័យ៕

ប្រភព៖ រដ្ឋបាលខេត្តកំពត