កាលពីរសៀលថ្ងៃទី ១០ ខែតុលា ឆ្នាំ២០១៩ ឯកឧត្តម វ៉ា ថន អភិបាលខេត្តក្រចេះ បានទទួល អំណោយមនុស្សធម៌ ពីក្រុមហ៊ុនACE Cook បានផ្តល់មីម៉ាក “good” នូវមីចំនួន ៣០០កេសជូនដល់រដ្ឋបាលខេត្តក្រចេះ។
អំណោយដែលប្រគល់ជូនពេលនេះ ដឹកនាំដោយ លោក យ៉ាត់ វណ្ណា ប្រធានផ្នែកគ្រប់គ្រងទីផ្សារប្រចាំប្រទេសកម្ពុជា បានទទួលដំណឹងថាក្នុងខេត្តក្រចេះ មានប្រជាជនដែលរងគ្រោះដោយគ្រោះធម្មជាតិ ជាច្រើនគ្រួសារ ដោយមើលឃើញពីសុខទុក្ខរបស់ប្រជាជនកម្ពុជា ក្រុមហ៊ុន ACE Cook ប្រចាំប្រទេសកម្ពុជាបាននាំយកអំណោយមនុស្សធម៌មកប្រគល់ជូនរដ្ឋបាលខេត្តដើម្បីចាត់ចែងចែកជូនប្រជាពលរដ្ឋដែលរងគ្រោះទាំងនោះ។
ឯកឧត្តម វ៉ា ថន បានមានប្រសាសន៍ថា៖ អំណោយទាំងនោះ និងយកទៅចែកជូនដល់ដៃប្រជាពលរដ្ឋដែលរងគ្រោះ ដោយគ្រោះធម្មជាតិ ទៅប្រើប្រាស់តាមរម្រូវការជាក់ស្ដែង ហើយនេះក៏ជាវប្បធម៌ចែករំលែក និងជាការជួយគ្នារវាងវិស័យឯកជន ជាមួយនិងរដ្ឋបាលខេត្ត ។ ឯកឧត្តម ក៏បានថ្លែងអំណរគុណដល់ក្រុមហ៊ុន ACE Cook ដែលបានផ្តល់ មី ម៉ាក “Good” សម្រាប់ជាអំណោយមនុស្សធម៌នេះជូនរដ្ឋបាលខេត្ត ហើយចំពោះទឹកចិត្ដមនុស្សធម៌នេះ ពិតជាមិនអាចកាត់ថ្លៃបានឡើយ ឯកឧត្តម ក៏បានសំណូមពរដល់ក្រុមហ៊ុនបន្តជួយ ដល់ផ្នែកមនុស្សធម៌បន្តទៀត ដល់រដ្ឋបាលខេត្តនៅឆ្នាំក្រោយទៀត ៕
ប្រភព៖ រដ្ឋបាលខេត្តក្រចេះ