ព្រឹកថ្ងៃព្រហស្បតិ៍ ១១កើត ខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៨ ខែធ្នូ ឆ្នាំ២០១៧ ឯកឧត្តម ជា សុមេធី អភិបាលខេត្តព្រៃវែង និងលោក អភិបាលស្រុកស្វាយអន្ទរ លោក ប្រធានមន្ទីរធនធានទឹក និងឧតុនិយម ព្រមទាំងសហការី បានអញ្ជើញទៅពិនិត្យមើលប្រព័ន្ធធារាសាស្ត្រ និងម៉ាស៊ីនបូមទឹកចំនួន០២គ្រឿង ដើម្បីស្រោចស្រពដំណាំស្រូវរបស់ប្រជាពលរដ្ឋ នារដូវប្រាំងចំនួន១,៤៣៥ហិកតា និងមានប្រជាពលរដ្ឋទទួលផលចំនួន១,០០៤គ្រួសារ នៅក្នុងឃុំដំរីពួន និងឃុំសំរោង ស្រុកស្វាយអន្ទរ ដែលមានប្រភពប្រឡាយទឹកចេញពីអាងបឹងស្នេហ៍ ។ នេះគឺជាគម្រោងចំការគួយ ដែលទំហំការងារនៅក្នុងប្រព្ធន័ធារាសាស្រ្តរួមមាន ÷ ១-ស្តារប្រឡាយមេប្រវែង៨៨០០ម៉ែត្រ ២-សំណង់ទទួលទឹក១កន្លែង ៣-សំណង់ស្ទាក់ទឹក១កន្លែង ៤-ស្ថានីយ៌បូមទឹក១កន្លែង ៥-សំណង់ដោះទឹកនិងចែកចាយទឹក២៦កន្លែង ៦-សំណង់ស្ពានផ្លូវរទេះ៦កន្លែង ៧-អាគារសហគមន៍១ខ្នង។ ប្រភពព័ត៌មាន: រដ្ឋបាលខេត្តព្រៃវែង (ថ្ងៃទី ២៨ ខែធ្នូ ឆ្នាំ២០១៧)
