នាសៀលថ្ងៃពុធ ទី២៧ ខែសីហា ឆ្នាំ២០១៩ នៅសាលប្រជុំសាលាខេត្ត លោក កង វណ្ណារ៉ូ អភិបាលរង នៃគណៈអភិបាលខេត្តកំពង់ស្ពឺ បានអញ្ជើញជាអធិបតីក្នុងកិច្ចប្រជុំស្ដីពីការពិនិត្យនិងអនុម័តសំណើគម្រោងខេត្តឆ្នាំ២០១៩ ។ គោលបំណងក្នុងកិច្ចប្រជុំនេះគឺដើម្បីពិនិត្យអនុម័តសំណើគម្រោងដែលប្រើប្រាស់ថវិកាគុណប្រយោជន៍ខេត្ត ដើម្បីស្នើសុំការផ្ដល់ផ្ដល់អនុលោមភាពពីក្រសួងមហាផ្ទៃ និងរៀបចំអនុវត្តគម្រោងឰឱ្យបានទាន់ពេលវេលា ។
       គួរបញ្ជាក់ផងដែរថា គម្រោងដែលលើកយកមកពិភាក្សាក្នុងកិច្ចប្រជុំនេះរួមមាន៖
១.គម្រោងសាងសង់អគារការិយាល័យច្រកចេញចូលតែមួយ។ ​ ២.គម្រោងសាងសង់អគាររដ្ឋបាលសាលាខេត្តជំហានទី៣។  ៣.គម្រោងជួសជុលរៀបប៊កឌា ធ្វើទ្រូងផ្លូវ ដាក់ស្លាកសញ្ញាចរាចរណ៍ បំពាក់បង្គោលភ្លើងនៅតាមផ្លូវលេខ១០៦ និងផ្លូវលេខ១៣០ និងស្ថាបនាសួនច្បារនៅរង្វង់មូលភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។ ​៤.បំពាក់បង្គោល និងភ្លើងស្តុប នៅផ្លូវជាតិលេខ៤ ត្រង់ចំណុច ផ្លូវបំបែកច្បារមន ។ ៥.ជួសជុលផ្លូវក្រាលកៅស៊ូបេទីម ក្នុងសង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។ ៦.ចាក់ដីធ្វើច្រាំងស្ទឹងព្រែកត្នោត ជាប់ស្ពានថ្មីខាងលិចផ្សារកំពង់ស្ពឺ។ ៧.ធ្វើរបង រៀបចំប៊កឌា និងក្រាល ការ៉ូឡាចញ្ចើមផ្លូវខាងត្បូងទីលានកីឡាប្រវែង ១៩០ម ៕ រម្យ

ប្រភព៖ រដ្ឋបាលខេត្ត