ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ និងឯកឧត្តម ហឿ ស៊ីយ៉ែម ប្រធានក្រុមប្រឹក្សាខេត្តក្រចេះ ចូលរួមក្នុងពិធីផ្តល់សេវាពិនិត្យ និងព្យាបាលជម្ងឺដោយឥតគិតថ្លៃ ពីក្រុមវេជ្ជសាស្រ្តសម្តេចតេជោ ហ៊ុន សែន ដល់ប្រជាពលរដ្ឋ រស់នៅក្នុងស្រុកចិត្របុរី ក្រោមការដឹកនាំដោយលោកជំទាវ ហ៊ុន ម៉ាណា ប្រធានក្រុមវេជ្ជសាស្ត្រ រួមគណៈប្រតិភូ និងមានការចូលរួមពី ថ្នាក់ដឹកនាំខេត្តគ្រប់លំដាប់ថ្នាក់ នាព្រឹកថ្ងៃអាទិត្យ ថ្ងៃទី២៥ ខែសីហា ឆ្នាំ២០១៩។
      ដំណើរការពិនិត្យ និងព្យាបាលនេះ មានរយៈពេលចំនួន ១ថ្ងៃពេញ ក្នុងទីតាំងសាលាបឋមសិក្សាបុសលាវ ក្នុងនោះដែរ ក៏មានផ្តល់ជូននូវរទេះពិការចំនួន ០៧នាក់។ ប្រជាពលរដ្ឋ ដែលបានមកទទួលការពិនិត្យពិគ្រោះ និងព្យាបាលជំងឺ នាពេលនេះសុទ្ធតែបានសម្តែងនូវអារម្មណ៍សប្បាយរីករាយ និងបានថ្លែងអំណរគុណចំពោះសម្តេចតេជោ និងសម្តេចកិត្តិព្រឹទ្ធបណ្ឌិត ដែលបានជួយផ្តល់សេវាថែទាំសុខភាពប្រចាំថ្ងៃ ឱ្យកាន់តែបង្ខិតជិតមកដល់មូលដ្ឋានរបស់ពួកគាត់៕ រតនា
ប្រភព៖ រដ្ឋបាលខេត្តក្រចេះ