រដ្ឋបាលខេត្តរតនគិរី បានរៀបចំកិច្ចប្រជុំសាមញ្ញលើកទី២ របស់ក្រុមប្រឹក្សាខេត្ត ដែលកិច្ចប្រជុំនេះប្រព្រឹត្តទៅក្រោមអធិបតីភាព ឯកឧត្តម ណាប់ ប៊ុន ហេង ប្រធានក្រុមប្រឹក្សាខេត្ត និងមានការអញ្ជើញចូលរួមពី លោក មួង ប៉ាង អភិបាលខេត្តស្តីទី នាព្រឹកថ្ងៃ៣០ ខែកក្កដា ឆ្នាំ២០១៩។
កិច្ចប្រជុំនេះនឹងធ្វើការពិនិត្យ ពិភាក្សា និងអនុម័តលើរបៀបវារៈមួយចំនួនរួមមាន៖ ១.កំណត់ហេតុកិច្ចប្រជុំសាមញ្ញលើកទី០១ របស់ក្រុមប្រឹក្សា, ២.សេចក្តីព្រាងដីកាបទបញ្ជាផ្ទៃក្នុងរបស់ក្រុមប្រឹក្សា, ៣.ប្រតិទិនកិច្ចប្រជុំសាមញ្ញរបស់ក្រុមប្រឹក្សាខេត្ត សម្រាប់រយៈពេល១២ខែ, ៤.សេចក្តីព្រាង សេចក្តីសម្រេចស្តីពីការទទួលស្គាល់ប្រធាន អនុប្រធាន និងសមាជិកគណៈកម្មាធិកាពិគ្រោះយោបល់កិច្ចការស្ត្រី និងកុមារ, ៥.សេចក្តីព្រាង សេចក្តីសម្រេចស្តីពីការបង្កើតគណៈកម្មាធិការលទ្ធកម្មរបស់រដ្ឋបាលខេត្ត, ៦.សេចក្តីព្រាង សេចក្តីសម្រេចស្តីពីការបែងចែកភារកិច្ចជូនដល់សមាជិកក្រុមប្រឹក្សាខេត្ត ដើម្បីទទួលប្រាស្រ័យទាក់ទងជាមួយប្រជាពលរដ្ឋ តាមក្រុង ស្រុក និងការងារជាមួយមន្ទីរ អង្គភាពជុំវិញខេត្ត, ៧.បញ្ហាផ្សេងៗ៕ រតនា
ប្រភព៖ រដ្ឋបាលខេត្តរតនគីរី