ព្រឹកថ្ងៃទី ០១កេីត ខែបុស្ស ឆ្នាំរការ នព្វស័ក ព.ស ២៥៦១ ត្រូវនឹងថ្ងៃទី ១៨ ខែធ្នូ គ.ស ២០១៧ ឯកឧត្តម នាយឧត្តមសេនីយ៍ សន្តិបណ្ឌិត ម៉ៅ ប៊ុនណារិន អគ្គនាយកនៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ បានអញ្ជើញចុះត្រួតពិនិត្យសកម្មភាពការងារនៅការិយាល័យរោងពុម្ភ នាយកដ្ឋានផ្សព្វផ្សាយអប់រំ នៃអគ្គនាយកដ្ឋានភស្តុភារនិងហិរញ្ញវត្ថុ ក្រសួងមហាផ្ទៃ ។ អញ្ជើញ ចូលរួមក្នុងឱកាសនោះដែរមានឯកឧត្តមជាអគ្គនាយករង ប្រធាន អនុប្រធាននាយកដ្ឋាន នាយ នាយរង ការិយាល័យនិងមន្ត្រីការិយាល័យរោងពុម្ភជាច្រើនរូបទៀត ។ ឯកឧត្តម នាយឧត្តមសេនីយ៍ សន្តិបណ្ឌិត ម៉ៅ ប៊ុនណារិន អគ្គនាយកនៃអគ្គនាយកដ្ឋានភស្តុភារនិងហិរញ្ញវត្ថុ ក្រសួងមហាផ្ទៃបានសម្តែងនូវការកោតសរសើរចំពោះការខិតខំប្រឹងប្រែង របស់មន្ត្រីនគរបាលនៃការិយាល័យរោងពុម្ភទាំងអស់ដែលសម្រេចបាននូវស្នាដៃល្អប្រសើរនាពេលរយះកន្លងមក ។ ឯកឧត្តម នាយឧត្តមសេនីយ៍ សន្តិបណ្ឌិត ម៉ៅ ប៊ុនណារិន ក៏បានក្រើនរំលឹកនិងជំរុញដល់ថ្នាក់ដឹកនាំព្រមទាំងមន្ត្រីនគរបាលនៃការិយាល័យរោងពុម្ភទាំងអស ខិតខំប្រឹងប្រែងបន្តទៀតដើម្បីនូវភារកិច្ចថ្មីៗដែលថ្នាក់ដឹកនាំប្រគល់ឱ្យ ។ ប្រភពព័ត៌មាន: អគ្គនាយកដ្ឋានភស្តុភារ និងហិរញ្ញវត្ថុ ( ថ្ងៃទី១៨ ខែធ្នូ ឆ្នាំ២០១៧)
