សពជនរងគ្រោះជាអ្នកខេត្តកំពង់ឆ្នាំងទី២ ដែលបានស្លាប់ក្នុងហេតុការណ៍បាក់រលំអគារកម្ពស់៧ជាន់នៅខេត្តព្រះស៊ីហនុ ដែលទើបតែរកឃើញក្រោយគេ ត្រូវបានដឹកមកដល់គេហដ្ឋាន នៅឯស្រុកកំណើត កាលពីវេលាម៉ោង១យប់ ថ្ងៃទី២៥ ខែមិថុនា ឆ្នាំ២០១៩។

      មន្ត្រីអាជ្ញាធរមូលដ្ឋានបានអោយដឹងថា សពទី២ ឈ្មោះប៊ុន ម៉ៅ  ភេទប្រុស អាយុ៥២ បច្ចុប្បន្នក្រុមគ្រួសារសពបានរៀបចំធ្វើបុណ្យតាមប្រពៃណីនៅភូមិទ័ពត្បែង ឃុំពង្រ ស្រុករលាប្អៀរ ខេត្តកំពង់ឆ្នាំង។

      ដើម្បីចូលរួមរំលែកមរណទុក្ខនិងជួយដល់ក្រុមគ្រួសារជនរងគ្រោះនៅរសៀលថ្ងៃទី២៤ ខែមិថុនា ឆ្នាំ២០១៩នេះ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង រួមដំណើរដោយលោក លោកស្រី ជាប្រធាន អនុប្រធានមន្ទីរជុំវិញខេត្ត បានអញ្ជើញចូលរួមរំលែកទុក្ខដ៏ក្រៀមក្រំ  ព្រមទាំងនាំយកថវិកា ទៅចូលរួមបុណ្យសពដែលកំពុងរៀបចំធ្វើបុណ្យតាមប្រពៃណីនៅស្រុកកំណើត ក្នុងភូមិទ័ពត្បែង ឃុំពង្រ ស្រុករលាប្អៀរ  ខេត្តកំពង់ឆ្នាំង។ ដោយក្រុមគ្រួសារសពនិមួយៗចំនួន២លាន ៥សែនរៀលផងដែរ។

      ស្ថិតក្នុងសមានទុក្ខដ៏ក្រៀមក្រំនេះ  ឯកឧត្តមឈួរ ច័ន្ទឌឿ អភិបាលខេត្តកំពង់ឆ្នាំង បានសម្តែងនូងការសោកស្តាយ និងឧទ្ទិសបួងសួងដល់ដួងវិញ្ញាណក្ខន្ធជនរងគ្រោះទាំងអស់  បានទៅកាន់ទីសុគតិភព កុំបីឃ្លៀងឃ្លាតឡើយ៕ រតនា

ប្រភព៖ រដ្ឋបាលខេត្តកំពង់ឆ្នាំង