នៅរសៀលថ្ងៃទី២៥ ខែមិថុនា ឆ្នាំ២០១៩ រដ្ឋបាលខេត្តរតនគិរី បានរៀបចំកិច្ចប្រជុំសាមញ្ញលើកទី១ អាណត្តិទី៣ របស់ក្រុមប្រឹក្សាខេត្តរតនគិរី កិច្ចប្រជុំនេះប្រព្រឹត្តិទៅ ក្រោមអធិបតីភាព ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្តរតនគិរី ព្រមទាំងមានការចូលរួមពី ឯកឧត្តម មួង ប៉ាងអភិបាលខេត្តស្ដីទី លោក លោកស្រីនាយកនាយករងរដ្ឋបាល លោក លោកស្រី ប្រធានមន្ទីរ អង្គភាពជំនាញជុំវិញខេត្ត នាយកទីចាត់ការ ប្រធានអង្គភាពចំណុះសាលាខេត្ត ។ កិច្ចប្រជុំខាងលើនេះ ដើម្បីពិនិត្យនិងពិភាក្សាទៅលើរបៀបវារៈដែលរួមមាន៖
១. ផ្សព្វផ្សាយសេចក្តីណែនាំលេខ ០១៥ សណន ចុះថ្ងៃ ២៥ ខែឧសភា ឆ្នាំ២០១៩ របស់ក្រសួងមហាផ្ទៃ ស្ដីពីការរៀបចំបទបញ្ជាផ្ទៃក្នុងរបស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ និងគំរូបទបញ្ជាផ្ទៃក្នុងរបស់ក្រុមប្រឹក្សា ។
២.ពិភាក្សាលើការរៀបចំសេចក្តីព្រាងប្រតិទិននៃកិច្ចប្រជុំសាមញ្ញរបស់ក្រុមប្រឹក្សាខេត្តអាណត្តិទី៣ សម្រាប់រយៈពេល ១២ខែ គិតចាប់ពីកិច្ចប្រជុំប្រជុំសាមញ្ញលើកទី ២ ។
៣. ស្ដាប់របាយការណ៍របស់ អំពីលទ្ធផលនៃការអនុវត្តការងាររបស់រដ្ឋបាលខេត្ត ក្នុងអាណត្តិទី២ របស់ក្រុមប្រឹក្សាខេត្ត និងការងារសេសសល់រយៈពេល ០៣ខែ ដែលបានអនុម័តដោយក្រុមប្រឹក្សាអាណត្តិទី២ និងទិសដៅការងារដែលត្រូវអនុវត្តបន្ត ។
៤. បញ្ហាផ្សេងៗ
ប្រភព៖ រដ្ឋបាលខេត្តរតនគីរី