លោក អម សុភា អភិបាល រង ខេត្ត កំពង់ឆ្នាំង បាន ដឹកនាំកិច្ច ប្រជុំ ពិភាក្សា បញ្ហា ប្រឈម និង រក ដំណោះស្រាយ ពាក់ព័ន្ធនឹង ការ ផ្ដល់ សេវារដ្ឋបាល មួយ ចំនួន ក្នុង វិស័យ ព័ត៌មាន និង វិស័យ សាធារណាការ និង ដឹកជញ្ជូន ដែល មិនទាន់ ដាក់ដំណើរ នៅអង្គភាព ច្រក ចេញចូល តែមួយ  នៅការិយាល័យ របស់លោកផ្ទាល់  នៅរសៀល ថ្ងៃចន្ទ ១៥កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវ នឹង ថ្ងៃទី១៧ ខែមិថុនា ឆ្នាំ២០១៩ ។

     កិច្ចប្រជុំ នេះ មាន ការចូលរួម ពីលោកគង់ សុវណ្ណអស្ចារ្យ នាយករងរដ្ឋបាល សាលាខេត្ត  លោកគង្គ ឃាង  អនុប្រធាន មន្ទីរ សាធារណការ និងដឹកជញ្ជូន ខេត្ត កំពង់ឆ្នាំង  លោកឈាង បូរ៉ា ប្រធាន អង្គភាព ច្រកចេញ ចូលតែមួយ លោកប៊ុន សម្បត្តិ អនុប្រធាន អង្គភាព  លោកឡេង ធារ៉ា ប្រធានការិយាល័យ សោតទស្សន៍   និងព័ត៌មាន  និង មន្ត្រីជួរក្រោយ ។

    អភិបាល រង ខេត្ត  បាន សម្រប សម្រួល  និងសម្រេច បាន នូវលទ្ធផល ដូច ខាងក្រោម៖
១.វិស័យ សាធារណ ការ និង ដឹកជញ្ជូន   ចំពោះសេវា ដែល មិនប្រតិបត្តិការ តាម អនឡាញ  គឺត្រូវ ឱ្យ ដាក់ដំណើរ នូវ អង្គភាព ច្រកចេញចូល តែមួយ  តែលំនាំនៃបច្ចេកទេស  និង កត្តាជម្រុញ តម្រូវ ឱ្យ ខាង មន្ទីរ ជាអ្នក ទទួល ខុសត្រូវ ។
២.វិស័យ ព័ត៌មាន បានឯកភាព ដាក់ដំណើរ ការ នៅអង្គភាព ច្រក ចេញ ចូលតែមួយ នៅក្នុងខែកក្កដា  ឆ្នាំ២០១៩ នេះ ។

      ដោយឡែក ចំពោះ ការចុះហត្ថលេខា លើលទ្ធផល សម្រេច(អាជ្ញាប័ណ្ណ )   ខាង សាធារណការ  និងដឹកជញ្ជូន  ឯកឧត្តម ប្រធាន អង្គពឯប្រជុំ បានជម្រុញឱ្យ ប្រធានអង្គភាព  និង ខាងសាធារណការ  និង ដឹកជញ្ជូន ពិភាក្សា គ្នា បន្តទៀត ដើម្បី រកយន្តការដោះស្រាយ  ដោយ សុំគោលការណ៍ ឯកភាព ពីក្រសួង សាធារណការ និង ដឹកជញ្ជូន ផង ដែរ។ 

      ជាកិច្ចបញ្ចប់ លោក អម សុភា ក៏បាន ថ្លែង អំណរគុណ  និង វាយ តម្លៃ ខ្ពស់ ចំពោះថ្នាក់ដឹកនាំ មន្ទីរអង្គភាព និង ច្រក ចេញចូល ក្នុង ការ អនុវត្ត សេចក្ដីណែនាំ ក៏ដូច ជា លិខិតបទដ្ឋានគតិ យុត្តិ នានា របស់រាជរដ្ឋាភិបាល កម្ពុជា  និង បាន បំពេញ ការងារ ការផ្ដល់សេវារដ្ឋាបាល ដែលទទួល បាន លទ្ធផល គួរឱ្យ កត់សម្គាល់ ៕ មុនីរម្យ

ប្រភព៖ ខេត្តកំពង់ឆ្នាំង