នៅមន្ទីរសង្គមកិច្ចអតីតយុទ្ធជន យុវនីតិសម្បទាខេត្តស្វាយរៀង បានប្រារព្ធខួបលើកទី៧០ទិវាកុមារអន្តរជាតិខួបលើកទី១៨ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជាឆ្នាំ២០១៩ នៅអនុវិទ្យាល័យស្វាយផ្អែម ឃុំស្វាយអង្គ ស្រុកស្វាយជ្រំ ក្រោមអធិបតីភាពលោកស្រី ឯក សុវណ្ណភារៈ អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្ត និងមានការអញ្ជើញចូលរួមពីមន្ត្រីររាជការ លោកគ្រូអ្នកគ្រូ សរុបវត្តមានប្រមាណ៣០០នាក់ នាព្រឹកថ្ងៃពុធ១០កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១២ ខែមិថុនា ឆ្នាំ២០១៩។
ក្នុងពិធីនេះក៏មានចែកជូននូវសម្ភារៈសិក្សាដល់សិស្សក្នុងម្នាក់ៗទទួលបានសៀវភៅ០២ក្បាលប៊ិច០២ដើមថវិកា៥០០០រៀល និងសិស្សពូកែពីលេខ០១ដល់លេខ០៣ ចំនួន២១នាក់ទទួលបានថវិកាបន្ថែម៥០០០រៀលលោកគ្រូអ្នកគ្រូ១៥នាក់ ក្នុងម្នាក់ៗទទួលបានថវិកាចំនួន១០០០០រៀលផងដែរ៕ រតនា
ប្រភព៖ រដ្ឋបាលខេត្តស្វាយរៀង