លោកជំទាវ មិថុនា ភូថង អភិបាល នៃគណៈអភិបាល ខេត្តកោះកុង និងលោកអភិបាលរងខេត្ត ព្រមទាំងអាជ្ញាធរក្រុង មន្ទីរបរិស្ថាន បានអញ្ជើញចុះផ្សព្វផ្សាយអប់រំយល់ដឹង ដល់ប្រជាពលរដ្ឋ ពិសេសអាជីវករលក់ដូរតាមព្រែកោះប៉ោ (ផ្ទះក្រហម) ត្រូវចេះរក្សាអនាម័យទុកដាក់សំរាមអោយបានត្រឹមត្រូវ កុំអោយសំរាមនៅក្រៅធុង។
លោកជំទាវអភិបាលខេត្ត បញ្ជាក់ថា ការរៀបចំទុកដាក់សំរាមអោយល្អត្រឹមត្រូវឱ្យមានសុខភាពមាំមួន ខណៈរដូវវស្សាប្រឈមនឹងជម្ងឺគ្រុនឈាម នាថ្ងៃចន្ទ ៨ កើត ខែជេស្ឋ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១០ ខែមិថុនា ឆ្នាំ២០១៩។
ម៉្យាងទៀត បរិស្ថានសោភណ្ឌភាពមូលដ្ឋាន និងទីក្រុងស្រស់បំព្រងគួរឱ្យចង់រស់នៅ។ កាបោះចោល សំរាមពាសវាលពាសកាលក៏រងការផាកពិន័យជាថវិកាផងដែរ ចាប់ពី២០០០០រៀល និងដល់៤០ លានរៀល។ បន្ថែមលើនេះដែរ លោកជំទាវ មិថុនា ភូថង ក៏ជំរុញឱ្យអាជ្ញាធរពាក់ព័ន្ធ បន្តផ្សព្វផ្សាយខ្លឹមសារថែរក្សាការពារ បរិស្ថានតាមមូលដ្ឋានរស់នៅរបស់ប្រជាពលរដ្ឋកាន់ខ្លាំងក្លាថែមទៀត៕
ប្រភព៖ រដ្ឋបាលខេត្តកោះកុង