ថ្ងៃ អង្គារ ០៩រោច ខែមិគសិរ ឆ្នាំរការ ព.ស ២០៥៦១ ត្រូវនឹង ព្រឹកថ្ងៃទី ១២ ខែធ្នូ គ.ស ២០១៧ ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង ឯកឧត្តម យិន ងួនកូលេនីន អនុរដ្ឋលេខាធិការ ក្រសួងធនធានទឹក និងឧតុនិយម និង ឯកឧត្តម សៀក សុភ័ក អ្នកសម្របសម្រួលកម្មវិធី នៃក្រសួងសេដ្ឋកិច្ច និងហិរញ្ញវត្ថុ បានអញ្ជើញជាអធិបតីក្នុងពិធីបើកការដ្ឋានស្តាឡើងវិញនូវប្រព័ន្ធធារាសាស្រ្តចំនួន០២ខ្សែ គឺប្រព័ន្ធធារាសាស្រ្តអន្លង់រុន និងប្រព័ន្ធធារាស្រ្តតាម៉ៅ ដែលរៀបចំដោយកម្មវិធីជំរុញផលិតកម្មស្រូវ និងការនាំចេញអង្ករ ខេត្តបាត់ដំបង (Rice-SDPនៅភូមិគ្រួស ឃុំអន្លង់រុន ស្រុកថ្មគោល ខេត្តបាត់ដំបង ។ និងមានការអញ្ជើញចូលរួមពី ឯកឧត្តម អភិបាលរងខេត្ត និងជាប្រធានគម្រោង Rice-SDP ខេត្តព្រៃវែង និងកំពង់ធំ លោកឧកញ៉ា ភូ ពុយ ប្រធានសភាពាណិជ្ជកម្មខេត្ត អជ្ញាធរស្រុក មន្ទីរជំនាញពាក់ព័ន្ធជាមួយគម្រោង មន្ត្រីគម្រោង Rice SDP ខេត្ត ព្រមទាំងប្រជាពលរដ្ឋរស់នៅក្នុងភូមិគ្រួស ឃុំអន្លង់រុន ស្រុកថ្មគោល សរុបចំនួន ប្រមាណ៣៥០នាក់ ។ ប្រព័ន្ធរាសាស្រ្តចំនួន០២ខ្សែដែលត្រូវបានបើកការដ្ឋានមាន ប្រព័ន្ធធារាសាស្រ្តអន្លង់រុន ប្រឡាយមេប្រវែង ៤,១០ គីឡូម៉ែត្រ ប្រឡាយរងប្រវែង ១២,២៨ គីឡូម៉ែត្រ និងប្រព័ន្ធធារាសាស្រ្តតាម៉ៅ ប្រឡាយមេប្រវែង ៤,៨០ គីឡូម៉ែត្រ ប្រឡាយរង ប្រវែង៦,៧៣ គីឡូម៉ែត្រ ស្ថិតក្នុងឃុំអន្លង់រុន ស្រុុកថ្មគោល ខេត្តបាត់ដំបង ។ ប្រភពព័ត៌មាន: រដ្ឋបាលខេត្តបាត់ដំបង (ថ្ងៃទី១២ ខែធ្នូ ឆ្នាំ២០១៧)