ថ្ងៃសុក្រ ៥ កើត ខែជេស្ឋ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៧ ខែមិថុនា ឆ្នាំ២០១៩ លោក អន ភារៈ អភិបាលរង នៃគណៈអភិបាលខេត្តកោះកុង បានដឹកនាំកិច្ចប្រជុំពិភាក្សា និងពិនិត្យដល់ទីតាំងចាក់បំពេញអាចម៍ដី ធ្វើឲ្យបិទផ្លូវទឹកចរាចរណ៍ទូករបស់ប្រជាពលរដ្ឋ ដែលមានទីតាំងស្ថិតនៅក្បែរវត្តប៉ាក់ខ្លង ឃុំប៉ាក់ខ្លង ស្រុកមណ្ឌលសីមា ខេត្តកោះកុង។

ការបិទផ្លូវទឹកនេះមិនត្រឹមតែបិទផ្លូវចរាចណ៍ទូកនោះទេ អាចនឹងបង្កជាហានិភ័យជំនន់លិចផ្នែកខាងលើទៀតផង។ ក្រោយពីបានពិនិត្យមើលលក្ខណៈបច្ចេកទេស ទីតាំងនោះនឹងតម្រូវឱ្យសាងសង់ស្ពានជាប្រភេទឈើ ឬស្ពានបាឡេ ដោយត្រូវគិតអំពីកម្ពស់នីវ៉ូទឹកខ្ពស់បំផុត និងកម្ពស់ទូក ដើម្បីធានាថាបងប្អូនប្រជាពលរដ្ឋមអាចចេញចូលទូកបាន។ មុននឹងបិទបញ្ចប់កិច្ចប្រជុំនេះ លោក អន ភារៈ ក៏បានស្នើឱ្យរដ្ឋបាលមូលដ្ឋានត្រូវរក្សាទុកព្រៃកោងកាងនៅតំបន់នោះ សំដៅសម្រាប់ផលប្រយោជន៍ទេសចរណ៍ សហគមន៍ និងអាចកាត់បន្ថយរលកកម្តៅផង៕

ប្រភព៖ រដ្ឋបាលខេត្តកោះកុង