ព្រឹកថ្ងៃសុក្រ ៥កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៧ ខែមិថុនា ឆ្នាំ២០១៩ លោកស្រី យូ សុភា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្ត បានជួបជួបសម្តែងការគួរសម រវាងរដ្ឋបាលខេត្តសៀមរាប និងប្រតិភូក្រសួងវប្បធម៌ និងទេសចរណ៍ នៃសាធារណរដ្ឋប្រជាមានិតចិន នៅសាលាខេត្តសៀមរាប ដែលដឹកនាំដោយ ឯកឧត្តម ZHANG XU អនុរដ្ឋមន្ត្រីក្រសួងវប្បធម៌ និងទេសចរណ៍ចិន និងប្រតិភូអមដំណើរ ហើយក៏មានការអញ្ជើញចូលរួមពីនាយករងរដ្ឋបាលសាលាខេត្ត លោកប្រធានមន្ទីរទេសចរណ៍ខេត្ត លោកស្រី នាយករងទីចាត់ការទំនាក់ទំនងសាធារណៈ និងសហប្រតិបត្តិការអន្តរជាតិ លោកអនុប្រធានមន្ទីរវប្បធម៌ និងវិចិត្រសិល្បៈខេត្ត និងលោកប្រធានការិយាល័យវិនិយោគ នៃទីចាត់ការផែនការ និងវិនិយោគខេត្ត។

       ក្នុងកិច្ចជួបពិភាក្សានេះផងដែរ  លោកស្រីអភិបាលរងខេត្ត  ក៏បានថ្លែងអំណរគុណដល់ឯកឧត្តមអនុរដ្ឋមន្ត្រីក្រសួងវប្បធម៌ និងទេសចរណ៍ចិន និងប្រតិភូអមដំណើរ  ដែលបានមកធ្វេីទស្សនៈកិច្ចប្រទេសកម្ពុជា  ជាពិសេសខេត្តសៀមរាបតែម្តង  ហេីយលោកស្រីក៏បានសំណូមពរដល់ប្រតិភូដែលអញ្ជេីញមក  ពេលត្រលប់ទៅវិញជួយផ្សព្វផ្សាយដល់វិនិយោគ  និងអ្នកទេសចរណ៍  ឲ្យមកធ្វេីការវិនិយោគ  និងធ្វេីដំណេីរកំសាន្តកាន់តែច្រេីនមកប្រទេសកម្ពុជា  ជាពិសេសខេត្តសៀមរាបផ្ទាល់។ 

      ឯកឧត្តម ZHANG XU អនុរដ្ឋមន្ត្រីក្រសួងវប្បធម៌ និងទេសចរណ៍ចិន ក៏មានប្រសាសន៍ថា  និងជួយជម្រុញក្រុមហ៊ុន  ក៏ដូចជាអ្នកវិនិយោគទាំងអស់   ឲ្យមកធ្វេីកាវិនិយោគនៅប្រទេសកម្ពុជា ។ 

      លោក ស្រីអភិបាលរង  តំណាង ឯកឧត្តម  អភិបាល ខេត្ត   និងក្នុងនាមថ្នាក់ដឹកនាំខេត្ត ក៏សូមថ្លែងអំណរគុណដល់គណៈប្រតិភូទាំងអស់  និងសូមស្វាគមន៍នូវគម្រោងវិនិយោគ  និងកិច្ចសហការល្អៗ  ដេីម្បីភាពរីកចម្រេីន  និងជោគជ័យទាំងអស់គ្នា៕ មុនីរម្យ

ប្រភព៖ រដ្ឋបាលខេត្តសៀមរាប