អភិបាលខេត្តស្ទឹងត្រែង អញ្ជើញចុះពិនិត្យការដ្ឋានស្ថាបនាស្ពានដែកបេទ្បេតិ៍មួយកន្លែង ស្ថិតនៅភូមិអូររ៉ៃ ឃុំអូររ៉ៃ ស្រុកថាទ្បាបរិវ៉ាត់
នៅរសៀលថ្ងៃព្រហស្បតិ៍ ៤កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៦ ខែមិថុនា ឆ្នាំ២០១៩ ឯកឧត្តម ម៉ុម សារឿន អភិបាលនៃគណៈអភិបាលខេត្តស្ទឹងត្រែង បានដឹកនាំប្រធានមន្ទីរជំនាញពាក់ព័ន្ធ អភិបាលស្រុក ឃុំ បានចុះពិនិត្យការដ្ឋានស្ថាបនាស្ពានដែកបេទ្បេតិ៍ អូរគន្ធា មានប្រវែង៤៨ម៉ែត្រ ទទឹង៤,៥ម៉ែត្រ ស្ថិតនៅភូមិអូររ៉ៃ ឃុំអូររ៉ៃ ស្រុកថាទ្បាបរិវ៉ាត់ ខេត្តស្ទឹងត្រែង ដែលជាអំណោយដ៏ថ្លៃថ្លារបស់រាជរដ្ឋាភិបាល ដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។
ទន្ទឹមនឹងនោះឯកឧត្តមអភិបាលខេត្តក៏ចុះពិនិត្យទីតាំងដែលត្រូវត្រៀមរៀបចំធ្វើរង្វង់នៅចំណុចត្រើយម្ខាងស្ពានមេគង្គ ដើម្បីសម្រួលដល់ចរាចរណ៍ជូនប្រជាពលរដ្ឋទៅមកឆ្លងកាត់តំបន់នោះឲ្យមានភាពល្អប្រសើរ៕ មុនីរម្យ
ប្រភព៖ រដ្ឋបាលខេត្តស្ទឹងត្រែង
