នៅសាលាខេត្តព្រះសីហនុបានបើកកិច្ចប្រជុំស្តីពីការចុះត្រួតពិនិត្យនិងវាយតម្លៃការអនុវត្តគម្រោងអភិវឌ្ឍបញ្ចប់ឆ្នាំ២០១៨របស់រដ្ឋបាលរាជធានី ខេត្ត ក្រោមការដឹកនាំដោយ លោក ស៊ុត ចាន់ថន នាយករងរដ្ឋបាល លោក វិន ប្រុស អនុនាយកដ្ឋានរដ្ឋបាល រួមទាំងមានការអញ្ជើញចូលរួមពីសំណាក់លោកនាយកទីចាត់ការផែនការវិនិយោគ អង្គភាពលទ្ធកម្ម តំណាងទីចាត់ការហិរញ្ញវត្តុ និងមន្រ្តីបច្ចេកទេស ដើម្បីពិភាក្សាអំពី លទ្ធផលការងារ ដែលបានអនុវត្តន៍កន្លងមក និងកំណត់ទិសដៅអនុវត្តន៍បន្ត នារសៀលថ្ងៃពុធ ៣កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនិងថ្ងៃទី៥ ខែមិថុនា ឆ្នាំ ២០១៩។
កិច្ចប្រជុំនេះមានគោលបំណង៣ចំនុចជាគោលដែលមានដូចជា៖ ១.ពិនិត្យនីត្យានុកូលភាពសំណុំឯកសារគម្រោងអភិវឌ្ឍខេត្តឆ្នាំ២០១៨ ទាំងអស់ដែលពាក់ព័ន្ធ, ២.ចុះត្រួតពិនិត្យ និងវាយតម្លៃលើលក្ខណៈបច្ចេកទេសនៅទីតាំងជាក់ស្តែងរបស់គម្រោងអភិវឌ្ឍរាជធានី ខេត្តឆ្នាំ២០១៨, ៣.ពិភាក្សាអំពី: របាយការណ៍ស្តីពីការអនុវត្តគម្រោងអភិវឌ្ឍបញ្ចប់ឆ្នាំ២០១៨, របាយការណ៍ស្តីពីការរៀបចំ និងការអនុវត្តគម្រោងអភិវឌ្ឍឆ្នាំ ២០១៩, របាយការណ៍ស្តីពីការរៀបចំកសាងកម្មវិធីវិនិយោគ បីឆ្នាំរំកិល(២០១៩-២០២១) និង (២០២០-២០២២), កិច្ចដំណើរការនៃការកសាងផែនការអភិវឌ្ឍរយៈពេល៥ឆ្នាំ (២០១៩-២០២៣), ការអនុវត្តគម្រោងសេវាសង្គមរបស់រដ្ឋបាលរាជធានី/ខេត្ត និងទិសដៅអនុវត្តក្នុងឆ្នាំបន្តបន្ទាប់, របាយការណ៍ស្តីពីការអនុវត្តកិច្ចសន្យាសេដ្ឋកិច្ចនានាដែលរដ្ឋបាលរាជធានី ជាភាគី ក ឬ ខ, បញ្ហាផ្សេងៗ៕ រតនា
ប្រភព៖ រដ្ឋបាលខេត្តព្រះសីហនុ
