អភិបាលរងខេត្តកោះកុង ជួបពិភាក្សាការងារជាមួយប្រតិភូក្រសួងសង្គមកិច្ចអតីតយុទ្ធជន និងយុវនីតិសម្បទា អំពីការងារទាក់ទងនឹងការទទួលជនរងគ្រោះ និងងាយរងគ្រោះ ដោយអំពើជួញដូរមនុស្សនៅច្រកទ្វារព្រំដែនអន្តរជាតិចាំយាម
លោកស្រី ឈុន រ៉ាវុធ អភិបាលរងខេត្តកោះកុង បានអញ្ជើញជួបពិភាក្សាការងារ ជាមួយតំណាងក្រសួងសង្គមកិច្ចអតីតយុទ្ធជន និងយុវនីតិសម្បទា អំពីការងារមួយចំនួនទាក់ទងនឹងការទទួលជនរងគ្រោះ និងងាយរងគ្រោះ ដោយអំពើជួញដូរមនុស្សនៅច្រកទ្វារព្រំដែនអន្តរជាតិចាំយាមខេត្តកោះកុង នាថ្ងៃចន្ទ ១កើត ខែជេស្ឋ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី០៣ ខែមិថុនា ឆ្នាំ២០១៩។
លោកស្រីអភិបាលរង ស្នើឲ្យសមាជិកទាំងអស់ យកចិត្តទុកដាក់ខ្ពស់ នឹងការទទួលជនរងគ្រោះ និងងាយរងគ្រោះ ដោយអំពើជួញដូរមនុស្ស នៅច្រកទ្វារព្រំដែនអន្តរជាតិចាំយាម ហើយត្រូវមានការទទួលខុសត្រូវខ្ពស់ ស្របតាមតួនាទី ភារកិច្ច ឲ្យការងារសម្រេចបានលទ្ធផលល្អ ក្នុងការផ្តល់ព័ត៌មាន និងកិច្ចសហការ អោយបានទាន់ពេលវេលា និងមានប្រសិទ្ធភាពខ្ពស់បំផុត ឆ្លើយតបតាមផែនការដែលបានលើកឡើង៕ រតនា
ប្រភព៖ រដ្ឋបាលខេត្តកោះកុង
