ក្រុមការងារចម្រុះខេត្តសៀមរាប ចុះអនុវត្តការរុះរើ និងកាត់ផ្ទាំងផ្សព្វផ្សាយពាណិជ្ជកម្មគ្រប់ប្រភេទដែលគ្មានច្បាប់ និងលើសទំហំកំណត់ ដែលបានដាក់លើដីចំណីផ្លូវ នៅក្នុងក្រុងសៀមរាប ដឹកនាំដោយ លោក នាក់ ណេរ៉ុន អភិបាលរងខេត្ត លោក នាយករងរដ្ឋបាលខេត្ត លោកនាយកទីចាត់ការអន្តរវិស័យ និងមានកិច្ចសហការពីកងកម្លាំងមានសមត្ថកិច្ចពាក់ព័ន្ធនានា ជាច្រើនទៀត នាថ្ងៃចន្ទ ១កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី ០៣ ខែមិថុនា ឆ្នាំ២០១៩។
គោលបំណង នៃការចុះរុះរើ និងកាត់ផ្ទាំងផ្សព្វផ្សាយពាណិជ្ជកម្មគ្មានច្បាប់ និងលើសទំហំកំណត់ ដែលបានដាក់លើដីចំណីផ្លូវនេះគឺដើម្បីរៀបចំសោភ័ណ្ឌភាព សណ្ដាប់ធ្នាប់ របៀបរៀបរយ សាធារណៈអនុវត្តនីតិវិធីដើម្បីឲ្យពួកគាត់ដាក់ពាក្យស្នើសុំច្បាប់អនុញ្ញាតត្រឹមត្រូវ និងលុបបំបាត់ ផ្ទាំងផ្សព្វផ្សាយពាណិជ្ជកម្មដែលគ្មានច្បាប់អនុញ្ញត ក្នុងក្រុងសៀមរាបទាំងមូល ឲ្យសក្តិសមជាក្រុងទេសចរណ៍ ប្រវត្តិសាស្ត្រដ៏រុងរឿង មានភាពទាក់ទាញខ្លាំងទាំងភ្ញៀវជាតិ អន្តរជាតិ និងដើម្បីរក្សាបាននូវអត្តសញ្ញាណ វប្បធម៌ទំនៀមទម្លាប់ប្រពៃណី ល្អ និងលើកតម្កើងកិត្យានុភាពវប្បធម៌ ជាតិ។
ក្រុមការងារបានចាប់ផ្តើមពីចំណុចគល់ស្ពានព្រះរាជដំណាក់ ឆ្ពោះទៅទិសខាងកើត តាមបណ្ដោយផ្លូវជាតិលេខ ៦ និងបន្តរហូតដល់ព្រំប្រទល់ក្រុងសៀមរាប និងស្រុកប្រាសាទបាគង៕ រតនា
ប្រភព៖ រដ្ឋបាលខេត្តសៀមរាប