នាព្រឹកថ្ងៃអង្គារ៍ ២កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៤ ខែមិថុនា ឆ្នាំ២០១៩នេះ លោកស្រី រស់ សុផានី អភិបាលរងខេត្តបន្ទាយមានជ័យ អញ្ជើញចូលរួមក្នុងពិធីអបអរសាទរ ពិធីប្រកាសចូលកាន់មុខតំណែងអភិបាលរងស្រុក និងប្រគល់ភារកិច្ចជូនប្រធានការិយាល័យ នៃមន្ត្រីរាជការ ស្រុកម៉ាឡៃ។

      មានមតិសំណេះសំណាល លោកស្រី រស់ សុផានី អភិបាលរងខេត្តខេត្តបន្ទាយមានជ័យ បានមានប្រសាសន៍ថា៖ ដើម្បីបំពេញតួនាទី និងភារកិច្ចថ្មីនេះ ឈានទៅរកការអភិវឌ្ឍបន្ថែមទៀត យើងត្រូវតែយកចិត្តទុកឲ្យបានខ្ពស់ ក្នុងបំពេញតួនាទីភារកិច្ចឲ្យបានល្អ។ លោកស្រី ក៏បានចូលរួមអបអរសាទរអភិបាលរងស្រុកម៉ាឡៃ ដែលត្រូវបានរាជរដ្ឋាភិបាលជឿទុកចិត្ត  ប្រកាសតែងតែជាអភិបាលរងស្រុកម៉ាឡៃដែលកន្លងមកលិខិតខំបំពេញតួនាទីបានល្អប្រសើរ។ លោកស្រីអភិបាលរងខេត្ត  បានបន្តថា៖ ឆ្លងកាត់ការអនុវត្តគោលនយោបាយ  កំណែទម្រងរដ្ឋបាលថ្នាក់ក្រោមជាតិ បានធ្វើឲ្យមានការយល់ដឹងទូលំទូលាយជាងមុន  ពីបណ្តាអង្គភាព  ស្ថាប័ន  សង្គមស៉ីវិល  ប្រជាពលរដ្ឋ  និងដៃគូរអភិវឌ្ឍន៍នានា  អំពីសារៈសំខាន់នៃការអនុវត្តកំណែទម្រងនេះ។ សកម្មភាពដែលបានអនុវត្តនាពរលកន្លងមកនេះ បានបោះជំហានចូលដល់ដំណាក់កាលកំណែទម្រងស៊ីជម្រៅថែមទៀត សម្រាប់រដ្ឋបាលថ្នាក់ក្រោមទាំងមូល។

      សមិទ្ធផលទាំងអស់នេះសបញ្ជាក់ ឲ្យឃើញកាន់តែច្បាស់នូវកិច្ចខិខំប្រឹងប្រែងរបស់រាជរដ្ឋាភិបាលកម្ពុជា  ពិសេស  អគ្គមគ្គទេសដឹកនាំនាំដ៏ត្រឹមត្រូវ  ប្រកបដោយគតិបណ្ឌិតខ្ពស់របស់សម្តេចអគ្គមហាសេនាបតី  តេជោ  ហ៊ុន  សែន  នាយករដ្ឋមន្ត្រី នៃ ព្រះរាជាណាចក្រ កម្ពុជា។

      ផ្អែកតាមកម្មវិធីជាតិរយៈពេល១០ឆ្នាំ បានផ្តោតការយកចិត្តទកដាក់សំខាន់ទៅលើច្បាប់ និងលិខិតបទដ្ឋានគតិយុត្តនានា ដើម្បីឈានឆ្ពោះទៅរកការកសាងមូលដ្ឋានគ្រឹះនៃគណអភិបាលកិច្ច និងការអភិវឌ្ឍមូលដ្ឋានតាមបែបប្រជាធិបតេយ្យថ្នាក់ក្រោមជាតិ។ លោកស្រីបន្តថា៖ ផ្អែកតាមផែនការអនុវត្តរយៈពេល៣ឆ្នាំ(ផអ៣)ដំណាក់កាលទី៣ បច្ចុប្បន្នមានកិច្ចការជាអទិភាពចំនួន៥ចំនុច  រួមមាន៖ ១.ការគ្រប់គ្រងកិច្ចដំណើរកំណែទម្រង។ ២.គណនេយ្យ ភាពតាមបែបប្រជាធិបតេយ្យ។ ៣.ការគ្រប់គ្រង  និងការអភិវឌ្ឍធនធានមនុស្ស។ ៤.ការរផ្ទេរមុខងារ  និងធនធានក្នុងការផ្តល់សេវា  និងការអភិវឌ្ឍមូលដ្ឋាន។ និងទី៥.វិមជ្ឈការហិរញ្ញវត្ថុ៕ រតនា

ប្រភព៖ រដ្ឋបាលខេត្តបន្ទាយមានជ័យ