នាព្រឹកថ្ងៃចន្ទ ១កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៣ ខែ មិថុនា ឆ្នាំ ២០១៩ រដ្ឋបាលខេត្តកំពត បានរៀបចំពិធីអបអរសាទរខួបលើកទី៧០ ទិវាកុមារអន្តរជាតិ ១មិថុនា ខួបលើកទី១៨ ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជា ២០១៩ ក្រោមអធិបតី ដ៏ខ្ពង់ខ្ពស់ ឯកឧត្តម ជាវ តាយ អភិបាលនៃគណៈអភិបាលខេត្ត និងលោកជំទាវ នៅសាលសន្និសីទខេត្តកំពត។
បានអញ្ជើញចូលរួមក្នុងពិធីនេះមាន លោក លោកស្រី អភិបាលរងខេត្ត លោក លោកស្រីប្រធានមន្ទីរអង្គភាពជុំវិញខេត្ត នាយក នាយករងរដ្ឋបាលខេត្ត ទីចាត់ការ អង្គភាពសាលាខេត្ត អភិបាលក្រុងស្រុក លោក លោកស្រីសប្បុរសជនកាកបាទក្រហម លោកគ្រូ អ្នកគ្រូ និងសិស្សានុសិស្ស សរុបប្រមាណ ១២០០នាក់។
ក្នុងឱកាសនេះដែរ ឯកឧត្តមអភិបាលខេត្ត និងលោកជំទាវ បានឧបត្ថម្ភដល់ថវិកា ១,០២០,០០០រៀល ដល់លោកគ្រូអ្នកគ្រូ ៥១នាក់ ដោយម្នាក់ៗទទួលបានថវិកា២ម៉ឺនរៀល។ និងឧបត្ថម្ភថវិកា១០លានរៀល ដល់កុមារជាសិស្សានុសិស្ស ១០០០នាក់ ដោយម្នាក់ៗទទួលបានថវិកា ១ម៉ឺនរៀល ព្រមទាំង សៀវភៅ២ក្បាល ប៊ិច២ដើម និងទឹកលុប១ដើម៕ រតនា
ប្រភព៖ រដ្ឋបាលខេត្តកំពត
