https://www.interior.gov.kh/report/detail/2594
លោកជំទាវ មិថុនា ភូថង អភិបាល នៃគណៈអភិបាល ខេត្តកោះកុង បានអញ្ជើញ ជាអធិបតី ក្នុងពិធីអបអរសាទរ ទិវាកុមារអន្តរជាតិ ១ មិថុនា ២០១៩ ក្រោមប្រធានបទ "លើកកម្ពស់សិទ្ធិកុមារតាមរយៈការលុបបំបាត់អំពើហិង្សា លើកុមារ គ្រប់រូប" ដែលបានប្រារព្ធធ្វើកាលពីថ្ងៃព្រហស្បតិ៍ ១២ រោច ខែពិសាខ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៣០ ខែឧសភា ឆ្នាំ២០១៩នៅបរិវេណផ្សារសហគមន៍ពាមក្រសោប ស្ថិតក្នុងឃុំពាមក្រសោប ស្រុកមណ្ឌលសីមា ខេត្តកោះកុង។ លោកជំទាវ បានសម្តែងនូវការកោតសរសើរ និងវាយតម្លៃខ្ពស់ចំពោះការចិញ្ចឹមបីបាច់ ថែរក្សា អប់រំ ប្រៀនប្រដៅគ្រប់បែបយ៉ាង ប្រកបដោយព្រហ្មវិហារធម៌ របស់មាតា បិតា លោកគ្រូ អ្នកគ្រូ ចំពោះបុត្រ បុត្រធីតា និងសិស្សានុសិស្សរបស់ខ្លួន ក្នុងឱកាសនេះដែរសូមប្អូនៗ ក្មួយៗ យកចិត្តទុកដាក់រៀនសូត្រឱ្យបានល្អ ចេះគោរពចាស់ទុំ រៀមច្បង លោកគ្រូ អ្នកគ្រូ ដើម្បីជាការតបស្នងចំពោះការខិតខំ របស់ឳពុក ម្តាយ អាណាព្យាបាល ហើយក៏រួមចំណែកអភិវឌ្ឍសង្គមជាតិ ឱ្យកាន់តែរីកចម្រើនផងដែរ។ ជាពិសេសត្រូវជៀសវាងឱ្យបាននូវការកេងប្រវ័ញ្ចកម្លាំងពលកម្ម ការប្រើអំពើហិង្សាលើកុមារ និងការប្រើប្រាស់គ្រឿងញៀន៕ គឹមអាន
ប្រភព៖ រដ្ឋបាលខេត្តកោះកុង
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។