នៅមន្ទីរឧស្សាហកម្ម និងសិប្បកម្មខេត្ត លោក ហែម ពិសិដ្ឋ អភិបាលរងខេត្តស្វាយរៀង បានចូលរួមជាមួយលោក អ៊ិន សំបូរ អគ្គនាយករងវិទ្យាស្ថានស្តង់ដារកម្ពុជា អញ្ជើញជាអធិបតីក្នុងពិធីបើកវគ្គបណ្តុះបណ្តាលស្តីពីផលប៉ះពាល់ដល់គុណភាព សុវត្ថិភាពផលិតផលម្ហូបអាហារស្រា និងទឹក និងការបញ្ជ្រាបស្តីពីគ្រឿងញៀនខុសច្បាប់ នាព្រឹកថ្ងៃអង្គារ ១០រោច ខែពិសាខ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៨ ខែឧសភា ឆ្នាំ២០១៩។

      វគ្គបណ្ដុះបណ្ដាលនេះ រៀបចំឡើងដោយវិទ្យាស្ថានស្តង់ដារកម្ពុជា សហការជាមួយមន្ទីរឧស្សាហកម្ម និងសិប្បកម្មខេត្តស្វាយរៀង ដោយមានការអញ្ជើញចូលរួមពីតំណាងកងកម្លាំង និងមន្ទីរ-អង្គភាពពាក់ព័ន្ធក្នុងខេត្ត ថ្នាក់ដឹកនាំ និងមន្ត្រីរាជការ នៃមន្ទីរឧស្សាហកម្ម និងសិប្បកម្ម ផលិតករទឹកស្អាត ទឹកពិសាដប ទឹកកក និងស្រាសអង្ករ វត្តមានសរុប ៩៨នាក់៕ រតនា

ប្រភព៖ រដ្ឋបាលខេត្តស្វាយរៀង