ព្រឹកសុក្រ ០៥ រោច ខែមិគសិរ ឆ្នាំរកា ព.ស ២៥៦១ ព្រឹកថ្ងៃទី ០៨ ខែធ្នូ ឆ្នាំ២០១៧ រដ្ឋបាលខេត្តបាត់ដំបងបានរៀបចំកិច្ចប្រជុំគណៈបញ្ជាឯកភាពរដ្ឋបាលខេត្ត ដើម្បីត្រួតពិនិត្យណែនាំលើការងារសន្តិសុខសណ្តាប់ធ្នាប់សាធារណៈ និងផ្សព្វផ្សាយអំពីគោលការណ៍ណែនាំអនុវត្តផ្តល់ប័ណ្ណព្រំដែលគំរូថ្មី ដែលដឹកនាំដោយ ឯកឧត្តម ងួន រតនៈ អភិបាលនៃអភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង និងឯកឧត្តម ឧត្តមសេនីយ៍ទោ ជា រស់ មេបញ្ជាការរង យោធភូមិភាគទី៥ និងមានការអញ្ជើញចូលរួមពី ឯកឧត្តម លោកជំទាវ អភិបាលរងខេត្ត ឯកឧត្តម ស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការតំបន់ប្រតិបត្តការសឹករងបាត់ដំបង លោកនាយក នាយករងរដ្ឋបាលសាលាខេត្ត អភិបាល ក្រុង ស្រុក មន្ទីរ អង្គភាពជុំវិញខេត្ត ប្រធានទីស្នាក់ការច្រកទ្វារព្រំដែនទាំ៥ និងមន្រ្តីរាជការពាក់ព័ន្ធផ្សេងៗ នៅសាលប្រជុំសាលាខេត្តបាត់ដំបង ។ ទាក់ទងនឹងការផ្សព្វផ្សាយអំពីគោលការណែនាំអនុវត្តារផ្តល់ប័ណ្ណព្រំដែនគំរូថ្មីនេះក្នុងកិច្ចប្រជុំបានឯកភាពចាប់ផ្តើមអនុវត្ត ចាប់ពីថ្ងៃទី ០៧ ខែមករា ឆ្នាំ២០១៨ នាពេលខាងមុខ ប័ណ្ណព្រំដែនគំរូថ្មីនេះប្រើប្រាស់សម្រាប់ប្រជាពលរដ្ឋរស់នៅខេត្តជាប់ព្រំដែនគ្នាដែលឆ្លងដែនចូលទៅក្នុងទឹកដីថៃ ក្នុងការធ្វើការ ឬស្នាក់នៅបានរយៈពេល៧ថ្ងៃ មានតម្លៃ២០០០០រៀល និងមានសុពលភាពផុតកំណត់រយៈពេល២ឆ្នាំ ។
ប្រភពប័ត៌មាន: រដ្ឋបាលខេត្តបាត់ដំបង (ថ្ងៃ០៨ ខែធ្នូ ឆ្នាំ២០១៧)